ଦେଶୀ ମାଇକେଲ୍ ଜ୍ୟାକ୍‌ସନ୍‌ || Michael Jackson dance by Chatisgarh boy Fulchand #NNSODIA

ପପ୍‌ଷ୍ଟାର ମାଇକେଲ୍ ଜ୍ୟାକ୍‌ସନ୍ ଙ୍କ ଭଳି ଡ୍ୟାନ୍ସ କରୁଥିବା ଜଣେ ଯୁବକଙ୍କ ଭିଡିଓ ଏବେ ସୋସିଆଲ ମିଡିଆରେ ବେଶ୍ ଭାଇରାଲ ହେଉଛି । ଏହି ଯୁବକ ଜଣକ ହେଲେ ଛତିଶଗଡ଼ର ଫୁଲଚନ୍ଦ ମଝଂୱାର । ତାଙ୍କର ଏହି ଡ୍ୟାନ୍ସ ଦେଖି ଲୋକେ ତାଙ୍କୁ ଦେଶୀ ମାଇକେଲ୍ ଜ୍ୟାକ୍‌ସନ୍ କହୁଛନ୍ତି । ଫୁଲଚନ୍ଦ ଗାଁର ପିଲାମାନଙ୍କ ସାମ୍ନାରେ ଅତି ଚମତ୍କାର ଢ଼ଙ୍ଗରେ ଡ୍ୟାନ୍ସ କରୁଥିବା ଏହି ଭିଡିଓରେ ଦେଖିବାକୁ ମିଳୁଛି । ତାଙ୍କ ଏହି ଡ୍ୟାନ୍ସ ପୂରା ପ୍ରଫେସନାଲ ଭଳି ଲାଗୁଛି । ତାଙ୍କର ଏହି ନିଆରା ଡ୍ୟାନ୍ସ ମାଇକେଲ ଜ୍ୟାକସନ୍‌ଙ୍କୁ ମଧ୍ୟ ପଛରେ ପକାଇ ଦେଇଛି । ଫୁଲଚନ୍ଦ ପେଶାରେ ଜଣେ ବିଜୁଳୀ ମିସ୍ତ୍ରୀ । ୪୦ ବର୍ଷୀୟ ଫୁଲଚାନ୍ଦଙ୍କ ଡ୍ୟାନ୍ସ ଦେଖିବାକୁ ଏବେ ତାଙ୍କ ଘରେ ଲୋକଙ୍କ ଭିଡ ଜମୁଛି । ଲୋକେ କେବଳ ତାଙ୍କ ଡ୍ୟାନ୍ସ ଦେଖୁ ନାହାନ୍ତି ବରଂ ତାଙ୍କ ସହିତ ସେଲ୍‌ଫି ଉଠାଇ ସୋସିଆଲ ମିଡିଆରେ ସେୟାର କରୁଥିବା ଦେଖିବାକୁ ମିଳୁଛି । ଗଣେଶ ବିସର୍ଜନ ସମୟରେ ଫୁଲଚନ୍ଦ ଡ୍ୟାନ୍ସ କରୁଥିବାବେଳେ ଜଣେ କେହି ଏହାକୁ ଭିଡିଓ କରି ସୋସିଆଲ ମିଡିଆରେ ଅପଲୋଡ କରିଥିଲେ । ଫୁଲଚନ୍ଦ ପିଲାବେଳୁ ଟିଭିରେ ମାଇକେଲ୍ ଜ୍ୟାକ୍‌ସନ୍‌ଙ୍କ ଡ୍ୟାନ୍ସ ଦେଖିବା ସହ ତାଙ୍କ ଷ୍ଟେପ୍‌କୁ ମଧ୍ୟ ଅନୁସରଣ କରୁଥିବା କହିଛନ୍ତି ।