ଅନୈତିକ ସମ୍ପର୍କ ପଡିଛି ମହଙ୍ଗା | ଅନୈତିକ ସମ୍ପର୍କ କେତେ ଯେ ଭୟଙ୍କର ହୋଇପାରେ ତାର ଉଦାହରଣ ଏଠାରେ ଦେଖିବାକୁ ମିଳିଛି | ଜଣେ ବିବାହିତା ମହିଳାଙ୍କର ଅନ୍ୟ ଜଣେ ପୁରୁଷ ସହ ସମ୍ପର୍କ ଥିବା ଗ୍ରାମର କିଛି ଯୁବକ କରିଥିଲେ ସନ୍ଦେହ | ପରେ ସେମାନେ ପ୍ରେମୀଯୁଗଳଙ୍କୁ ଗାଁ ଦାଣ୍ଡରେ ଥିବା ଏକ ଗଛରେ ବାନ୍ଧି ଦେଇଥିଲେ ନିର୍ଯ୍ୟାତନା | ପ୍ରେମିକଙ୍କ ଗୁପ୍ତାଙ୍ଗରେ ସିଗାରେଟ ଚେଙ୍କ ଦେଇଥିଲେ କିଛି ଯୁବକ | ତଥାପି ଉକ୍ତ ଯୁବକଙ୍କ ମନ ହୋଇନଥିଲା ଶାନ୍ତି | ଏକ ଆଦିବାସୀ ଗୀତ ବଜାଇ ଗୀତର ତାଳେ ତାଳେ ଉଭୟଙ୍କୁ ନାଚିବା ପାଇଁ କରିଥିଲେ ବାଧ୍ୟ | ଏହି ସବୁ ଘଟଣାର ଭିଡିଓ ପ୍ରସ୍ତୁତ କରି କରିଥିଲେ ଭାଇରାଲ । ଯାହାକି ସ୍ଥାନୀୟ ଅଞ୍ଚଳରେ ବେଶ ଚର୍ଚ୍ଚାର ବିଷୟ ପାଲଟିଛି | ଏଭଳି ସ୍ପର୍ଶକାତର ଘଟଣା ଦେଖିବାକୁ ମିଳିଛି ନବରଙ୍ଗପୁର ଜିଲ୍ଲା ପାପଡାହାଣ୍ଡି ଥାନା ଅଞ୍ଚଳରେ | ଯୌନାଙ୍ଗରେ ସିଗାରେଟ ଚେଙ୍କ ଦେବା ଅଭିଯୋଗରେ ପାପଡାହାଣ୍ଡି ପୋଲିସ 7 ଜଣ ଯୁବକଙ୍କୁ ଗିରଫ କରିଛି |
ସୂଚନା ଅନୁଯାୟୀ, ପାପଡାହାଣ୍ଡି ଥାନା ଅନ୍ତର୍ଗତ ସିନ୍ଧିଗୁଡ଼ା ଗ୍ରାମର ଆନନ୍ଦ ଗୌଡ଼ ଚନ୍ଦ୍ରପୁର ଗ୍ରାମର ଜଣେ ଯୁବତୀଙ୍କୁ ବିବାହ କରିଥିଲେ । ତାଙ୍କର ଚାରୋଟି ସନ୍ତାନ ମଧ୍ୟ ରହିଛନ୍ତି । ଉକ୍ତ ମହିଳାଙ୍କର ରାଣୀଗୁଡା ଗ୍ରାମର ଗୋପୀ ମୁଦୁଲିଙ୍କ ସହ ଅନୈତିକ ସମ୍ପର୍କ ଥିବା ସନ୍ଦେହ କରିଥିଲେ ଗ୍ରାମର କିଛି ଯୁବକ | ପରେ ଉଭୟଙ୍କୁ ଗାଁ ଦାଣ୍ଡର ଏକ ଗଛରେ ବାନ୍ଧି ଦେଇଥିଲେ ନିର୍ଯ୍ୟାତନା | ଏହାର ଭିଡିଓ ପ୍ରସ୍ତୁତ କରି କରିଥିଲେ ଭାଇରଲ | ଯାହାର ଭିଡିଓ ବର୍ତ୍ତମାନ ସୋସିଆଲ ମିଡିଆରେ ବେଶ୍ ଭାଇରାଲ ହେବାରେ ଲାଗିଛି । ଏ ନେଇ ଆଜି ପୀଡ଼ିତ ଯୁବକ ଜଣକ ମୈଦଲପୁର ଫାଣ୍ଡିରେ ଏତଲା ଦେଇଥିଲେ | ପୋଲିସ ସିନ୍ଧିଗୁଡ଼ା ଗ୍ରାମରେ ପହଞ୍ଚି 7 ଜଣ ଯୁବଙ୍କୁ ଗାଁରୁ ଉଠାଇ ଆଣି ସେମାନଙ୍କୁ ଗିରଫ କରିଥିଲେ | ପରେ ସେମାନଙ୍କୁ କୌର୍ଟ ଚାଲାଣ କରିଛି ପୋଲିସ |
