ପ୍ରେମରେ ବିଫଳ ହୋଇ ଯୁବକଙ୍କ ବିଷ ପାନ | ଲାଇଭରେ ଆସି ମଦରେ ଦାନାଦାର ମିଶାଇ ପିଇଲେ ଯୁବକ | ଗୁରୁତର ଅବସ୍ଥାରେ ଗଲେ ଡାକ୍ତରଖାନା | ଏଭଳି ହୃଦୟ ବିଦାରକ ଦୃଶ୍ୟ ଆଜି ଦେଖିବାକୁ ମିଳିଛି ଜଗତସିଂହପୁର ଜିଲ୍ଲା ନାଉଗାଁ ବ୍ଲକ ଅନ୍ତର୍ଗତ ଗଜରାଜପୁର୍ ଗ୍ରାମରେ | ଗଜରାଜପୁର୍ ଗ୍ରାମର ସୁଶାନ୍ତ ରଣା ନାମକ ଯୁବକ ଜୈନିକ ଯୁବତୀଙ୍କୁ ଭଲ ପାଉଥିଲେ | ହେଲେ କୌଣସି କାରଣ ବଶତଃ ଦୁହିଁଙ୍କ ଭିତରେ ଥିବା ସମ୍ପର୍କ ବିଚ୍ଛେଦ ଘଟିଥିଲା | ଯାହାଫଳରେ ସୁଶାନ୍ତ ମାନସିକ ଭାରସାମ୍ୟ ହରାଇ ମଦ ଭିତରେ ଦାନାଦାର ପୁରାଇ ପିଉଥିବା ଲାଇଭ ଭିଡ଼ିଓ କରି ଗୁରୁତର ହୋଇପଡିଥିଲେ | ଭିଡ଼ିଓ ଦେଖି ସୁଶାନ୍ତଙ୍କ ସାଙ୍ଗମାନେ ସୁଶାନ୍ତଙ୍କୁ ଗୁରୁତର ଅବସ୍ଥାରେ ଉଦ୍ଧାର କରିଥିଲେ | ସେମାନେ 108 ଆମ୍ବୁଲାନ୍ସ ଯୋଗେ ପ୍ରଥମେ ନାଉଗାଁ ଡାକ୍ତରଖାନାକୁ ଆଣିଥିଲେ | ପରେ ଅବସ୍ଥା ସଙ୍କଟାପର୍ଣ୍ଣ ଥିବାରୁ ତାଙ୍କୁ ଜଗତସିଂହପୁର ସଦରମହକୁମା ଡାକ୍ତରଖାନାକୁ ଆଣିଥିବା ଜଣାପଡିଛି | ଏହି ଘଟଣା ଏବେ ସମଗ୍ର ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି |
