ମାଲକାନଗିରିର ପୂର୍ବତନ ଏଏସଆଇ ଜୟଦାସ ଖରାଙ୍କ ଘରେ ଭିଜିଲାନ୍ସ ଚଢ଼ାଉ। ଆୟ ବର୍ହିଭୁତ ସମ୍ପତ୍ତି ଠୁଳ ଅଭିଯୋଗରେ ଚଢ଼ାଉ କରିଛି ଭିଜିଲାନ୍ସ । ମାଲକାନଗିରି, ନବରଙ୍ଗପୁର ଓ କୋରାପୁଟ ଡିଭିଜନ ଭିଜିଲାନ୍ସ ବିଭାଗ ପକ୍ଷରୁ ମିଳିତ ଭାବେ ଚଢ଼ାଉ କରାଯାଉଛି । ମାଲକାନଗିରି, କୋରାପୁଟ ଓ ସୁନାବେଡ଼ା ସମେତ ୫ ଟି ସ୍ଥାନରେ ଏକକାଳୀନ ଚଢ଼ାଉ କରୁଛି ଭିଜିଲାନ୍ସ । ମାଲକାନଗିରି ସ୍ଥିତ ନିଜ ଘର ଏବଂ ଭଡା ଘର , କୋରାପୁଟରେ କିଣିଥିବା ଏକ ନୂଆ ଡୁପ୍ଲେକ୍ସ, ସୁନାବେଡ଼ାରେ ଥିବା ଶ୍ୱଶୁର ଘରେ ଚାଲିଛି ଚଢ଼ାଉ । ଚଢ଼ାଉ ବେଳେ ତିନୋଟି କୋଠା ଓ ଗୋଟିଏ ଡୁପ୍ଲେକ୍ସ ଠାବ କରିଛି ଭିଜିଲାନ୍ସ ।
କିଛିଦିନ ତଳେ ଗଞ୍ଜେଇ କାରବାରରେ ଗିରଫ ହୋଇ ନିଲମ୍ବିତ ହୋଇଥିଲେ ଜୟଦାସ ଖରା। ଏବେ କିଛି ଦିନ ପୂର୍ବରୁ ସେ ଜେଲରୁ ଫେରିଛନ୍ତି | ଆୟ ବର୍ହିଭୁତ ସମ୍ପତ୍ତି ଠୁଳ ଅଭିଯୋଗରେ ଆଜି ଚଢ଼ାଉ କରିଛି ଭିଜିଲାନ୍ସ । ଭିଜିଲାନ୍ସର ଏହି ଚଢ଼ାଉରେ ୩ ଡିଏସପି, ୫ ଇନ୍ସପେକ୍ଟର ଓ ଅନ୍ୟ ସଦସ୍ୟ ସାମିଲ ହୋଇଛନ୍ତି ।
