ସମ୍ବଲପୁରୀ ଗୀତର ତାଳେ ତାଳେ ନାଚିଲେ ଲୋଇସିଂହା ବିଧାୟକ | ବଲାଙ୍ଗୀର ଲୋକକଳା ଉତ୍ସବର ଉଦଯାପନୀ ଦିବସରେ କଳାକାରଙ୍କ ସହ ନାଚିଲେ ଲୋଇସିଂହା ବିଧାୟକ ମୁକେଶ ମହାଲିଙ୍ଗ | ସ୍ଥାନୀୟ ଏବଂ ବାହାର ରାଜ୍ୟରୁ ଆସିଥିବା କଳାକାରଙ୍କ ନାଚଗୀତରେ ଦୁଲୁକି ଉଠିଥିଲା ମଞ୍ଚ | ବିଧାୟକ ମହାଲିଙ୍ଗ ଏବଂ ପୋୖରାଧ୍ୟାକ୍ଷା ଲିକା ସାହୁ ମଞ୍ଚରେ କଳାକାରଙ୍କ ସହ ନାଚୁଥିବାର ଦୃଶ୍ୟ ମୁଖ୍ୟ ଆକର୍ଷଣ ସାଜିଥିଲା | ତେବେ ବିଧାୟକ ମୁକେଶ ମହାଲିଙ୍ଗଙ୍କ ନାଚୁଥିବାର ଦୃଶ୍ୟ ଏବେ ବଲାଙ୍ଗୀରରେ ଚର୍ଚ୍ଚାର ବିଷୟ ପାଲଟିଛି |
ସ୍ଥାନୀୟ କୋଶଳ କଳାମଣ୍ଡପରେ ଚାଲିଥିବା ଲୋକ କଳା ଉତ୍ସବ କାଲି ଉଦଯାପିତ ହୋଇଯାଇଛି | ଏଥିରେ ମୁଖ୍ୟ ଅତିଥି ଭାବେ ବିଧାୟକ ମହାଲିଙ୍ଗ ଯୋଗ ଦେଇଥିଲେ | ଏହି ଅବସରରେ ସେ କହିଥିଲେ ଯେ, ଏହୁ ଉତ୍ସବ ମାଧ୍ୟମରେ ଲୋକସଂସ୍କୃତି ସୁରକ୍ଷିତ ଓ ବିକଶିତ ହେବ ସହ ଆମ ସମାଜକୁ ଏକ ନୂଆ ବାର୍ତ୍ତା ଦେବ ବୋଲି କହିଥିଲେ | ରାଜେନ୍ଦ୍ର ବିଶ୍ୱ ବିଦ୍ୟାଳୟରେ କିପରି ଲୋକକଳା ଓ ଲୋକସଂସ୍କୃତି ଉପରେ ଅଧିକ ଗବେଷଣା କରାଯାଇପାରିବ ସେ ଦିଗରେ ପଦକ୍ଷେପ ନେବେ ବୋଲି କହିଥିଲେ | ଉତ୍ସବରେ ସମ୍ମାନିତ ଅତିଥି ଭାବେ ବଲାଙ୍ଗୀର ପୋୖରାଧ୍ୟାକ୍ଷା ଲିକା ସାହୁ ଯୋଗ ଦେଇଥିଲେ |
