ବଜ୍ରାଘାତ ନେଲା ୬ ଜୀବନ

ରାଜ୍ୟରେ କିଛିଦିନ ଧରି ଅସହ୍ୟ ଗ୍ରୀଷ୍ମ ପ୍ରବାହ ଜାରି ରହିଥିବାବେଳେ ଗତକାଲି ରାଜ୍ୟର ବିଭିନ୍ନ ସ୍ଥାନରେ ପ୍ରବଳ ବର୍ଷା ହୋଇଛି । କିଛି ସ୍ଥାନରେ ସ୍ୱଳ୍ପ ପରିମାଣରେ ବର୍ଷା ହୋଇଥିବାବେଳେ ଆଉ କିଛି ସ୍ଥାନରେ ପ୍ରବଳ ବର୍ଷା ସହ ବିଜୁଳି ଘଡଘଡି ହୋଇଥିବା ଦେଖିବାକୁ ମିଳିଛି ।ତେବେ ପୁରା ରାଜ୍ୟରେ ଗତକାଲି ବଜ୍ରପାତ ଯୋଗୁ ମୋଟ ୬ ଜଣଙ୍କ ଜୀବନ ଯାଇଛି ।ଗଞ୍ଜାମ ସାନଖେମୁଣ୍ଡି ବ୍ଲକ ଗାନ୍ଧୀଛକ ମିନାବଜାରରେ ବଜ୍ରପାତରେ ୨ ଜଣଙ୍କ ମୃତ୍ୟୁ ହୋଇଥିବାବେଳେ  ହିଞ୍ଜିଳି ଥାନା ଚାନ୍ଦୁଳି ଗାଁରେ ଜଣଙ୍କର ମୃତ୍ୟୁ ଘଟିଛି ।ସେହିପରି ରାଇକିଆ କତିଙ୍ଗିଆରେ ଜଣେ ମହିଳାଙ୍କର ବଜ୍ରପାତରେ ମୃତ୍ୟୁ ଘଟିଥିବାବେଳେ ବରଗଡ ଥାନା ନୁଆ ଗାଁରେ ବଜ୍ରପାତରେ ଜଣେ ବ୍ୟକ୍ତିଙ୍କର ମୃତ୍ୟୁ ଘଟିଛି । ଅନ୍ୟପଟେ ଗତକାଲି ଟ୍ୱିନସିଟିରେ ମଧ୍ୟ ଅଚାନକ ପ୍ରବଳ ବର୍ଷା ହୋଇଥିବା ଦେଖିବାକୁ ମିଳିଛି ।