ମ୍ୟାରେଜ, ମ୍ୟାରେଜ, ମ୍ୟାରେଜ | ଆଇ ଡୋଣ୍ଟ ଲାଇକ ଇଟ | ବିବାହ ନିମନ୍ତ୍ରଣ କାର୍ଡରେ କେଜିଏଫ ଡାଇଲଗ | ତେବେ କେଜିଏଫ ଚଳଚ୍ଚିତ୍ରର ଜଣେ ବଡ ପ୍ରଶଂସକ ତାଙ୍କ ବିବାହ ନିମନ୍ତ୍ରଣ କାର୍ଡରେ ଲେଖିଛନ୍ତି କେଜିଏଫ ଡାଇଲଗ | ଏହି କାର୍ଡ ଏବେ ସୋସିଆଲ ମିଡିଆରେ ବେଶ ଭାଇରାଲ ହେବାରେ ଲାଗିଛି | ଏହି କାର୍ଡକୁ ନେଇ ସୋସିଆଲ ମିଡିଆରେ ହେଉଛି ଜୋରଦାର ଚର୍ଚ୍ଚା | ତେବେ କାର୍ଡ଼ର କ୍ୟାପସନ ହୋଇଛି ବେଶ ମଜାଦାର | ଆପଣ ବି ଏହି କ୍ୟାପସନ ପଢିଲେ ନ ହସି ରହିପାରିବେ ନାହିଁ |
ତେବେ ଏହି କାର୍ଡରେ ବର – କନ୍ୟାଙ୍କ ନାମ ଲେଖା ହୋଇଥିବା ବେଳେ ବିବାହ ସ୍ଥାନ ଏବଂ ସମୟ ମଧ୍ୟ ଲେଖା ହୋଇଛି | ଏହାସହିତ, ‘କେଜିଏଫ-2’ ର ଡାଇଲଗ ଶୈଳୀ ଏକ କ୍ୟାପସନ୍ ଲେଖାଯାଇଛି ଯାହା ଅତ୍ୟନ୍ତ ମଜାଦାର | କାର୍ଡରେ ଲେଖା ଅଛି, ‘ମ୍ୟାରେଜ, ମ୍ୟାରେଜ, ମ୍ୟାରେଜ । ଆଇ ଡୋଣ୍ଟ ଲାଇକ ଇଟ , ଆଇ ଆଭଏଡ଼, ବଟ ମାଇଁ ରିଲେଟିଭସ ଲାଇକ ମ୍ୟାରେଜ | ଆଇ କାଣ୍ଟ ଆଭଏଡ଼ ” | ଏହାର ଅର୍ଥ ହେଉଛି ‘ବିବାହ … ବିବାହ … ବିବାହ | ମୁଁ ବିବାହକୁ ପସନ୍ଦ କରେ ନାହିଁ, କିନ୍ତୁ ମୋର ସମ୍ପର୍କୀୟମାନେ ବିବାହକୁ ପସନ୍ଦ କରନ୍ତି | ମୁଁ ଅଣଦେଖା କରିପାରିବି ନାହିଁ | ତେବେ ଏହି ବିବାହ କାର୍ଡ ଇଣ୍ଟରନେଟରେ ଏବେ ବେଶ ଭାଇରାଲ ହେବାରେ ଲାଗିଛି |
