କମୁନି କେଜିଏଫ୍ କ୍ରେଜ୍। ବକ୍ସ ଅଫିସରେ ରେକର୍ଡ ଭାଙ୍ଗିଛି ଦମଦାର ସାଉଥ ମୁଭି ’ କେଜିଏଫ୍-୨’ । ନନ୍ଷ୍ଟପ୍ ବ୍ୟବସାୟ କରି ରେକର୍ଡ ଭାଙ୍ଗିବାରେ ଲାଗିଛି ୟଶ୍ଙ୍କ ଏହି ଫିଲ୍ମ । ରକିଙ୍ଗଷ୍ଟାର ୟଶଙ୍କ ଦମଦାର ଅଭିନୟକୁ ଦର୍ଶକ ବେଶ ପସନ୍ଦ କରିଛନ୍ତି।
ଏପ୍ରିଲ୧୪ ତାରିଖରେ ରିଲିଜ ହୋଇଥିବା ଫିଲ୍ମକୁ ଦେଖିବାକୁ ସିନେମା ହଲରେ ନାହିଁ ନଥିବା ଭିଡ ଦେଖିବାକୁ ମିଳୁଛି। ରିଲିଜର ତୃତୀୟ ସପ୍ତାହରେ ନୂଆ ବେଞ୍ଚମାର୍କ ସୃଷ୍ଟି କରିଛି ଏହି ଫିଲ୍ମ। ବର୍ତ୍ତମାନ ଫିଲ୍ମଟି ୧୭ ଦିନରେ ବକ୍ସ ଅଫିସରେ ୧୦୦୦ କୋଟି ଆୟ କରି ୧୦୦୦ କୋଟି କ୍ଲବରେ ସାମିଲ ହୋଇଛି । କେଜିଏଫ୍-୨ ବିଶ୍ୱବ୍ୟାପୀ ୧୦୦୦ କୋଟି ଓ ହିନ୍ଦୀ ଭାଷାରେ ୩୫୦ କୋଟିର କଲେକସନ୍ କରି ପୁଣି ଥରେ ନିଜର ଦମ୍ ଦେଖାଇଛି। ପ୍ରଶାନ୍ତ ନୀଲଙ୍କ ଦ୍ୱାରା ନିର୍ଦ୍ଦେଶିତ ଫିଲ୍ମଟି କନ୍ନଡ ସମେତ ମାଲାୟାଲାମ, ହିନ୍ଦୀ, ତାମିଲ ଏବଂ ତେଲୁଗୁ ଭାଷାରେ ରିଲିଜ୍ ହୋଇଥିଲା । ଫିଲ୍ମରେ ୟଶଙ୍କ ବ୍ୟତୀତ ସଞ୍ଜୟ ଦତ୍ତ, ଶୀନିଧି ସେଟ୍ଟୀ, ରବିନା ଟଣ୍ଡନ ଓ ପ୍ରକାଶ ରାଜ ଅଭିନୟ କରିଛନ୍ତି ।
