କର୍ମଚାରୀଙ୍କ କାମରେ ମାଲିକ ଖୁସି ହୋଇ ଉପହାର ଦେବା କଥା ଶୁଣିଛନ୍ତି | କିନ୍ତୁ କେହି କେବେ ତାଙ୍କ କର୍ମଚାରୀଙ୍କୁ ମର୍ସିଡିଜ୍ ବେଞ୍ଜ୍ କାର୍ ଉପହାର ଦେବା କଥା ଶୁଣିଛନ୍ତି କି | କେରଳର ଜଣେ ବ୍ୟବସାୟୀ ତାଙ୍କର ଜଣେ କର୍ମଚାରୀଙ୍କ କାମରେ ଖୁସି ହୋଇ ଏଭଳି ଦାମୀ ଉପହାର ଦେଇଛନ୍ତି | ଏହି ମର୍ସିଡ଼ିଜ ବେଞ୍ଜ୍ କାରର ଦାମ ଶୁଣିଲେ ଆପଣଙ୍କ ହୋସ ଉଡିଯିବ | ଏହି ନୂଆ ମର୍ସିଡିଜ୍ ବେଞ୍ଜ୍ କାର୍ ର ମୂଲ୍ୟ ପ୍ରାୟ 45 ଲକ୍ଷ ଟଙ୍କା। କେରଳର ଇଲେକ୍ଟ୍ରୋନିକ୍ସ ଏବଂ ଘରୋଇ ଉପକରଣର ଖୁଚୁରା ବ୍ୟବସାୟୀ ମାଇଁଜି ର ମାଲିକ ଏକେ ସାଜି ତାଙ୍କ କମ୍ପାନୀରେ 22 ବର୍ଷ ଧରି କାମ କରୁଥିବା ଜଣେ ସଚୋଟ କର୍ମଚାରୀ ସିଆର ଅନିସଙ୍କୁ ଏହି ଦାମୀ ଉପହାର ଦେଇଛନ୍ତି |
ସାଜି ଇନଷ୍ଟାଗ୍ରାମରେ ଉଲ୍ଲେଖ କରିଛନ୍ତି, “ଅନିଷ ମୋ କମ୍ପାନୀ ମାଇଁଜି ଆରମ୍ଭ ହେବା ପୂର୍ବରୁ ମୋ ସହିତ ଅଛନ୍ତି। ସେ ମୋ ପାଇଁ ଏକ ଦୃଢ ସ୍ତମ୍ଭ ସଦୃଶ । ସେ ମୋତେ କେବେ ନିରାଶ କରି ନାହାନ୍ତି | ତାଙ୍କର କାର୍ଯ୍ୟ ପ୍ରତି ଉତ୍ସର୍ଗୀକୃତତା ମୋତେ କମ୍ପାନୀକୁ ଆଗେଇ ନେବାରେ ବହୁତ ସାହାଯ୍ୟ କରିଛି | ମୁଁ ଅନିଶଙ୍କୁ ଜଣେ କର୍ମଚାରୀ ଭାବରେ ନୁହେଁ ବରଂ ଜଣେ ବନ୍ଧୁ ଭାବରେ ବ୍ୟବହାର କରେ ।
