କେନ୍ଦ୍ରାପଡା ସଦରଥାନା ଗୁଲନଗର ଦଣ୍ଡାମୁଣ୍ଡ ଛକ ନିକଟରେ ଆଜି ଗୁଳିକାଣ୍ଡ ଘଟିଛି । ପୁର୍ବ ଶତୃତା କାରଣରୁ ତିନିମୁହାଣୀ ବଜାର କମିଟିର ସଭାପତି ବାବୁଲି ମହାରଣାଙ୍କୁ ଗୁଳିକରିବାକୁ ଆସିଥିବା ଦୁଇଜଣ ଦୁର୍ବୁର୍ତ୍ତଙ୍କ ସହିତ ବାବୁଲିଙ୍କ ସୁରକ୍ଷା କର୍ମୀଙ୍କ ସହିତ ପ୍ରଥମେ ଧସ୍ତାଧସ୍ତି ଓ ପରେ ଗୁଳି ବିନିମୟ ହୋଇଥିବା ଜଣାପଡିଛି । ବାବୁଲିଙ୍କ ସୁରକ୍ଷାକର୍ମୀଙ୍କ ଗୁଳିରେ ଜଣେ ଦୁର୍ବୁର୍ତ୍ତ ଆହତ ହୋଇଥିବା ଖବର ମିଳିଛି । ହେଲେ ଆହତ ଦୁର୍ବୁର୍ତ୍ତ ଫେରାର ହୋଇଯାଇଥିବାରୁ ତାହାର ପରିଚୟ ମିଳି ପାରିନି । ଗତ ୨ ବର୍ଷ ତଳେ ବାବୁଲିଙ୍କ ଉପରକୁ ହୋଇଥିବା ଗୁଳିମାଡ ଘଟଣା ସହିତ ଏହି ଗୁଳିକାଣ୍ଡର ସମ୍ପୃକ୍ତି ଥିବା ପୋଲିସ ସନ୍ଦେହ କରୁଛି । ଆଜି ବାବୁଲି ତାଙ୍କ ଟ୍ରାକ୍ଟର ସୋରୁମ୍ ର ଉପର ମହଲାରେ ଥିଲେ । ଅପରାହ୍ନ ୧. ୩୦ ସମୟରେ ଦୁଇଜଣ ଅଚିହ୍ନା ଯୁବକ ମଦ୍ୟ ପାନକରି ବାବୁଲିଙ୍କୁ ଖୋଜିବାକୁ ଆସି ସୁରକ୍ଷାକର୍ମୀଙ୍କୁ ପଚାରିଥିଲେ । ସୁରକ୍ଷାକର୍ମୀଙ୍କ ସହିତ ସେମାନଙ୍କର ଧସ୍ତାଧସ୍ତି ହେବାପରେ ଦୁର୍ବୁତ୍ତମାନେ ଗୁଳି ଚଳାଈଥିଲେ । ସୁରକ୍ଷାକର୍ମୀ ଜଣକ ପାଲଟା ଗୁଳି ଚଳାଇବାରୁ ସେମାନଙ୍କ ମଧ୍ୟରୁ ଜଣେ ଆହତ ହୋଇଥିଲା । ଆହତ ଅବସ୍ଥାରେ ଦୁଇ ଦୁର୍ବୁର୍ତ୍ତ ଘଟଣା ସ୍ଥଳ ଛାଡି ପଳାଇଥିଲେ । ଖବର ପାଇ କେନ୍ଦ୍ରାପଡା ଏସ୍ ପି ମଦକର ସନ୍ଦିପ ସମ୍ପଦ , ଏସଡିପିଓ ରାଜୀବଲୋଚନ ପଣ୍ଡା, ସ୍ବତନ୍ତ୍ର ପୋଲିସ ସ୍କ୍ବାର୍ଡ ଦଳ , କେନ୍ଦ୍ରାପଡା ସଦରଥାନା ଆଇଆଇସି, ଟାଉନଥାନା ଆଇଆଇସି ଘଟଣା ସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛନ୍ତି ।
#Kendrapara #NNSODIA
