ଅଭିନବ ଢଙ୍ଗରେ ଜଣେ ଛୋଟ ପିଲାଠାରୁ ମୋବାଇଲ ଲୁଟି ନେଇ ଫେରାର ହୋଇଯାଉଥିବା ଯୁବକଙ୍କୁ ଧରିଲେ ଗରାପୁର ଗାଁର ଲୋକମାନେ । ମୋବାଇଲ ଚୋରକୁ ଧରିବା ପରେ ପୋଲିସକୁ ଖବର ଦିଆ ଯାଇଥିଲା । କେନ୍ଦ୍ରାପଡା ସଦରଥାନା ପୋଲିସ ଶଗରାପୁର ଠାରେ ପହଞ୍ଚି ମୋବାଇଲ ଚୋରକୁ ଧରି ଥାନାକୁ ନେଇଥିଲେ । ଆଜି ଅପରାହ୍ନରେ ସ୍ଥାନୀୟ ଖମାରକେଶପୁର ଗାଁର ସୂର୍ଯ୍ୟ ନାରାୟଣ ଶତପତି ନାମକ ଜଣେ ସ୍କୁଲ ଛାତ୍ର ନିଜ ମା’ଙ୍କ ମୋବାଇଲରେ ଘରଦୁଆର ମୁଁହରେ ଖେଳୁଥିବା ସମୟରେ ହଠାତ ଜଣେ ଯୁବକ ସେଠାରେ ପହଞ୍ଚି ଏକ ଜରୁରୀ କଲ୍ ଥିବା କହି ପିଲାଟିକୁ କିଛି ସମୟ ପାଇଁ ମୋବାଇଲଟିକୁ ଦେବାକୁ ଅନୁରୋଧ କରିଥିଲେ । ମୋବାଇଲରେ ମିଛରେ କଥାହେଉହେଉ ବାଇକ ଚଳାଇ ଚମ୍ପଟ ମାରିଥିଲା । କିନ୍ତୁ ପିଲାଟି ଉପସ୍ଥିତ ବୁଦ୍ଧି ଖଟାଇ ଆଉ ଜଣେ ବାଇକ ଚାଳକଙ୍କୁ ଲିପ୍ଟ ମାଗି ମୋବାଇଲ ଚୋରାଇଥିବା ଯୁବକଙ୍କ ପିଛା କରିଥିଲେ । ଗରାପୁର ଛକରେ ମୋବାଇଲ ଚୋରର ବାଇକରୁ ତେଲ ସରିଯିବାରୁ ବାଇକଟି ଅଟକି ଯାଇଥିଲା । ଫଳରେ ଚୋର ଧରା ପଡିବପାରିଥିଲା । ଏବଂ ପିଲାଟି ମୋବାଇଲ ଚୋର ନିକଟରେ ପହଞ୍ଚି ପାଟିକରିବାରୁ ସ୍ଥାନୀୟ ଲୋକେ ମୋବାଇଲ ଚୋରକୁ କାବୁକରି ମୋବାଇଲଟି ତାପାଖରୁ ଉଦ୍ଧାର କରିଥିଲେ । ଯୁବକ ଜଣକ କେନ୍ଦ୍ରାପଡା ସହରର ପୋଷ୍ଟ ଅଫିସ ଗଳିରେ ରହୁଥିବା ଜଣାପଡିଛି । କେନ୍ଦ୍ରାପଡା ସଦରଥାନା ପୋଲିସ ଘଟଣାସ୍ଥଳରେ ପହଞ୍ଚି ମୋବାଇଲ ଚୋରକୁ ଥାନାକୁ ନେଇଥିବା ସୂଚନା ମିଳିଛି ।
#nnsodia
