ସ୍ପାର୍କ ରାଇଜର କରାଟେ ଏକାଡେମୀ,ବାଲୁଗାଁ, ଟାଙ୍ଗି ଶାଖା ପକ୍ଷରୁ କଲ୍ୟାଣ ମଣ୍ଡପ ଠାରେ ଏକ ପୁରସ୍କାର ବିତରଣ କାର୍ଯ୍ୟକ୍ରମର ଆୟୋଜନ କରାଯାଇଥିଲା । ଏହି କାର୍ଯ୍ୟକ୍ରମରେ ଜାତୀୟ ସ୍ତରରେ କୃତିତ୍ୱ ଅର୍ଜନ କରିଥିବା ଛାତ୍ରଛାତ୍ରୀମାନଙ୍କୁ ମୁଖ୍ୟ ଅତିଥି ଟାଙ୍ଗି ଥାନା ଆଇଆଇସି ବିଜୟ କୁମାର ମଲ୍ଲିକ ଏବଂ ଟାଙ୍ଗି ଅଗ୍ନିଶ୍ରମ ବିଭାଗର ଅଧିକାରୀ ଅବିନାଶ ପୃଷ୍ଟି ମେଡାଲ ପ୍ରଦାନ କରି ସମ୍ବର୍ଦ୍ଧିତ କରିଥିଲେ । ଅନ୍ୟତମ ଅତିଥି ଭାବେ ଅନୁଷ୍ଠାନର ପରିଚାଳନା ନିର୍ଦେଶକ ବିଭୁତି ଭୂଷଣ ବୈଦ୍ୟ ଏବଂ ଟାଙ୍ଗି ଶାଖାର ମୁଖ୍ୟ ଦୁର୍ଯ୍ୟୋଧନ ମାନସିଂହ ଯୋଗ ଦେଇଥିଲେ। ନିରବଚ୍ଛିନ୍ନ ଭାବେ ଦୀର୍ଘ ଆଠ ବର୍ଷ ଧରି ଟାଙ୍ଗି କରାଟେ ସ୍କୁଲର ମୁଖ୍ୟ ଶ୍ରୀଯୁକ୍ତ ମାନସିଂହ ଛାତ୍ର ଛାତ୍ରୀ ମାନଙ୍କୁ ପ୍ରଶିକ୍ଷଣ ଦେଇଆସୁଛନ୍ତି। ଏହି ସ୍କୁଲର ପ୍ରଶିକ୍ଷକ ଶ୍ରୀଯୁକ୍ତ ମାନସିଂଙ୍କ ଅକ୍ଲାନ୍ତ ପରିଶ୍ରମ ଏବଂ ଛାତ୍ରଛାତ୍ରୀମାନଙ୍କର ପ୍ରଚେଷ୍ଟା ହିଁ ଉଭୟ ସ୍କୁଲ ଏବଂ ଛାତ୍ରଛାତ୍ରୀ ମାନଙ୍କ ପାଇଁ ଗୋଟେ ପରେ ଗୋଟେ ଅନେକ ସଫଳତା ନେଇ ଆସିଛି ।
#KARATE #NNSODIA
