୨୧ ଦିନ ପର୍ଯ୍ୟନ୍ତ ଖାଲି ପାଦରେ ରହିବେ ଜୁନିଅର୍ ଏନଟିଆର | ଏହାସହ କରିବେ ସାତ୍ତ୍ୱିକ ଭୋଜନ | ପୂର୍ଣ୍ଣ ବ୍ରହ୍ମଚର୍ଯ୍ୟ ପାଳନ କରିବେ। ହନୁମାନଜୀଙ୍କ ଦୀକ୍ଷା ଗ୍ରହଣ କରି କଠୋର ତପସ୍ୟା କରିବେ ଜୁନିଅର ଏନଟିଆର । ତେବେ ଏସଏସ୍ ରାଜାମୌଲିଙ୍କ ବ୍ଲକବଷ୍ଟର ମୁଭି ଆରଆରଆରର ଐତିହାସିକ ସଫଳତା ପରେ ମୁଖ୍ୟ ଅଭିନେତା ଜୁନିଅର ଏନଟିଆର ଏଭଳି ନିଆରା ନିଷ୍ପତ୍ତି ସମସ୍ତଙ୍କୁ ଚକିତ କରିଛି |
ସାରା ବିଶ୍ୱରେ ଆରଆରଆରର ଧମାକା ଦେଖିବାକୁ ମିଳୁଥିବା ବେଳେ ତପସ୍ୱୀ ଜୀବନ ଅତିବାହିତ କରୁଛନ୍ତି ଅଭିନେତା ଜୁନିଅର ଏନଟିଆର | ମହାବୀର ବଜରଙ୍ଗବାଲୀଙ୍କ ଦୀକ୍ଷା ନେଇଛନ୍ତି ସୁପର ଷ୍ଟାର ଜୁନିଅର ଏନଟିଆର। । ତାଙ୍କୁ ଏକ ହନୁମାନଙ୍କ ମନ୍ଦିରରେ ପୂଜାର୍ଚ୍ଚନା କରିବା ସହ ଦୀକ୍ଷା ନେବାର ଦେଖିବାକୁ ମିଳିଥିଲା । ତେବେ ହନୁମାନ ଜୟନ୍ତୀ ଦିନ ସେ ଏହି ଦୀକ୍ଷା ନେଇଥିବା କୁହାଯାଉଛି | ଏହାପରେ ତାଙ୍କୁ ଗୈରୀକ ବସ୍ତ୍ର ସହ ଗଳାରେ ମାଳା ଓ ମଥାରେ ଟିକା ପିନ୍ଧିଥିବା ଦେଖିବାକୁ ମିଳିଥିଲା । ସୋସିଆଲ ମିଡିଆରେ ତାଙ୍କର ଏହି ଫଟୋ ଏବେ ବେଶ ଭାଇରାଲ ହେବାରେ ଲାଗିଛି | ତାଙ୍କର ଏପରି ନଷ୍ପତ୍ତିରେ ତାଙ୍କର ଅଗଣିତ ପ୍ରଶଂସକଙ୍କ ମଧ୍ୟରେ ଭିନ୍ନ ଭିନ୍ନ ପ୍ରତିକ୍ରିୟା ଦେଖିବାକୁ ମିଳିଛି । ତେବେ ଜୁନିଅର ଏନଟିଆର ଅତି ଧାର୍ମିକ ମନୋଭାବର ବ୍ୟକ୍ତି ଏବଂ ଅନେକ ସମୟରେ ତାଙ୍କୁ ସ୍ୱତନ୍ତ୍ର ପୂଜାର୍ଚ୍ଚନା କରିବା ପାଇଁ ମନ୍ଦିରକୁ ଯିବାର ମଧ୍ୟ ଦେଖିବାକୁ ମିଳେ |
ସୂଚନା ଥାଉକି, ଜୁନିଅର ଏନଟିଆରଙ୍କ ପୂର୍ବରୁ, ମେଗାଷ୍ଟାର ରାମ ଚରଣ ମଧ୍ୟ ଆୟାପ୍ପା ଦୀକ୍ଷା ନେଇଥିଲେ | ତେବେ ରାମ ଚରଣ 45 ଦିନର ନିୟମ ପାଳନ କରୁଛନ୍ତି | ପୂର୍ବରୁ ରାମ ଚରଣଙ୍କୁ ‘ଆରଆରଆର’ ର ସଫଳତା ପାର୍ଟୀରେ ଖାଲି ପାଦରେ ଦେଖିବାକୁ ମିଳିଥିଲା |
