ବୋଉ ଲୋ ବାପାଙ୍କୁ ମାରୁଛନ୍ତି । ଇଏ ଥିଲା ୧୧ ବର୍ଷ ପୁଅର ଛଳ ଛଳ ଆଖିରେ ତାର ବୋଉ ପାଖରେ ଆକୁଳ ନିବେଦନ । କିନ୍ତୁ ଶୁଣିଲା ନାହିଁ ବୋଉ । ଆଉ ପୁଅର ଆଖିସମ୍ନାରେ ଚାଲିଗଲା ବାପାର ଜୀବନ । ରାତିପାହିଲା ବେଳକୁ ବାପା ଝୁଲୁଛି ଗାଁର ଏକ ଗଛଡାଳରେ । ଏମିତି ଏକ ଘଟଣା ଦେଖିବାକୁ ମିଳିଛି ବାଲିକୁଦା ଥାନା ହାଡିଆ ପଦା ଗ୍ରାମରେ । ସୁଚନା ନେବାରୁ ଜଣାପଡେ ଯେ ଜଗତସିଂହପୁର ଜିଲ୍ଲା ଅନ୍ତର୍ଗତ ଅଲଣା ପଞ୍ଚାୟତ ର ଅଲଣା ଗ୍ରାମର ପୂର୍ଣ୍ଣଚନ୍ଦ୍ର ଭୋଇ ଙ୍କ ବଡ ପୁଅ ଏକନ ଭୋଇ ବାଲିକୁଦା ଥାନା ଅନ୍ତର୍ଗତ ହାଡିଆପଦା ଗ୍ରାମର ରବିନ୍ଦ୍ର ଦାସଙ୍କ ସାନ ଝିଅ ଶବିତା ଦାସ ଙ୍କୁ ୧୨ ବର୍ଷ ପୂର୍ବେ ଭଲପାଇ ବିବାହ କରିଥିଲେ । ଏକନ ଭୋଇଙ୍କର ୧୧ ବର୍ଷର ପୁଅ ଆସିସ ଭୋଇ । ଗତ ୧୫ ଦିନ ତଳେ ଶବିତା ଏବଂ ପୁଅ ଆସିସକୁ ନେଇ ଶବିତାଙ୍କର ବାପଘର ହାଡିଆପଦା ଗ୍ରାମକୁ ବୁଲିବାକୁ ଯାଇଥିଲେ । ରବିନ୍ଦ୍ର ଦାସଙ୍କ ଆଉ ଦୁଇ ଝିଅ ମଧ୍ୟ ସେହି ଗ୍ରାମରେ ବିବାହ କରିଛନ୍ତି ।ଗତ ୧୪ ତାରିଖ ଦିନ ୧୨ ଟା ସମୟରେ ଏକନଙ୍କର ଶଳା ମୁନା ଦାସ ଅଲଣା ଗ୍ରାମକୁ ଆସି ଏକନ କୁ ଡାକି ତାଙ୍କ ଘର ହାଡିଆପଦା କୁ ନେଇଥିଲା । ଶଶୁର ଘରେ କୈଣସି କାରଣରୁ ଏକନ ଭୋଇ ସହିତ ସ୍ତ୍ରୀ ଶବିତାଙ୍କର ସାମାନ୍ଯ ପାଟିତୁଣ୍ଡ ଇଥିଲା ।ଏଥିରେ ଉତେଜିତ ହୋଇ ସଡୁ ବୁଲୁ ଏକନ କୁ ମାଡ ମାରି ରକ୍ତାକ୍ତ କରି ଦେଇଥିଲା ।ଏହି ଘଟଣା ପରେ ଏକନ ଘରକୁ ଆସିବାକୁ ବାହାରିବା ସମୟରେ ତାଙ୍କୁ ବୁଝା ସୁଝା କରି ଅଟକାଇ ଦେଇଥିଲେ । ସତେ ଯେପରି ସବୁକିଛି ଠିକ ହୋଇଯାଇଛି । ଯାହା ହୋଇଯାଇଛି ତାକୁ ଭୁଲି ସଂନ୍ଧ୍ଯା ସମୟରେ ଶଳା ମୁନା, ସଡୁ ବୁଲୁ ଓ ଗ୍ରାମର ଆଉ ଦୁଇଜଣ ବ୍ଯକ୍ତି ସଥିହୋଇ ଏକନଙ୍କୁ ମଦ ପିବା ବାହାନାରେ ଘର ପଛପଟ ବାଡିକୁ ଡାକି ନେଇଥିଲେ । କିନ୍ତୁ ଭିତରେ ଚାଲିଥିଲା ଷଡ଼ଯନ୍ତ୍ର । ଜୀବନ ନେବାପାଇଁ ଯେପରି ସବୁ କିଛି ପ୍ରସ୍ତୁତି ସାରିଥିଲା । ଏସବୁ ଷଡ଼ଯନ୍ତ୍ର ବିଷୟରେ ଅଜଣା ଏକନ ଚାଲି ଯାଇଥିଲେ ସେମାନଙ୍କ ଡ଼ାକରାରେ । ଆଗକୁ କଣ ଘଟିବାକୁ ଯାଉଛି ସେସବୁର କୌଣସି ଖବର ନଥିଲା ଏକନଙ୍କୁ । ସେଠାରେ ଏକନଙ୍କୁ ମଦପିଆଇ ମାରୁଥିବା ସମୟରେ ୧୧ ବର୍ଷର ପୁଅ ଆସିସ ଘର ଭିତରେ ରହି ସବୁ ଦେଖି ଛଳ ଛଳ ଆଖିରେ କହିଥିଲା ବେଉଁଲୋ ବାପାଙ୍କୁ ମାରୁଛନ୍ତି । କିନ୍ତୁ ପୁଅ ଆସିସ କୁ ଚୁପୁ ରହିବା ପାଇଁ ଧମକ ଦିଆଯାଇଥିଲା । କୁହାଯାଇଥିଲା ଚୁପ ରହ ନହେଲେ ତୋର ମଧ୍ୟ ଅବସ୍ତା ସେଇଆ ହବ । ଏସବୁ ଶୁଣି ଆସିସ ଭୟଭୀତ ହୋଇଥିଲା । ସକାଳେ ଏକନ ର ମୃତ ଶରୀର ଗୋପାଳ ପୁର କଲେଜର ପଛ ପଟର ଏକ ନିମ୍ବ ଗଛରେ ଝୁଲୁଥିବାର ଦେଖିବାକୁ ମିଳିଥିଲା । ଏ ସମ୍ପର୍କରେ ଏକନ ର ବାପା ପୂର୍ଣଚନ୍ଦ୍ର ଖବର ପାଇଁ ଘଟଣା ସ୍ଥଳରେ ପହଞ୍ଚି ତାର ପୁଅକୁ ତାର ସସୁର ଘର ଲୋକେ ମାରି ଗଛରେ ଟାଙ୍ଗୀ ଦେଇଥିବାର ବାଲିକୁଦା ଥାନାରେ ଅଭିଯୋଗ କରିଥିଲେ । ଅଭିଯୋଗ ପାଇଲାପରେ ଥାନା ଅଧିକାରୀ ଘଟଣା ସ୍ଥଳରେ ପହଞ୍ଚି ସବକୁ ଜବତ କରିବା ସହିତ ତଦନ୍ତ ଆରମ୍ଭ କରିଛନ୍ତି । ଅନ୍ୟପକ୍ଷରେ ଏହି ଘଟଣା ପ୍ରେମ ସମ୍ପର୍କ ଜନିତ ବୋଲି ସାଧାରଣରେ ଶୁଣିବାକୁ ମିଳୁଛି ।ଏଣୁ ପୁଲିସି ଗୁରୁତର ସହିତ ଏହିଘଟଣାକୁ ତଦନ୍ତ ପରିସରକୁ ଆଣିଲେ ପ୍ରକୃତ ରହସ୍ଯ ଲୋକଲେଚନକୁ ଆସିବ ବୋଲି ଚର୍ଚ୍ଚା ହେଉଛି ।
#jagatsinghpur #NNSODIA
