ନୂଆଦିଲ୍ଲୀ,(ଏନଏନଏସ ଓଡ଼ିଆ /୨୮.୦୩): ପୁଣି ଚର୍ଚ୍ଚାରେ ଶାହାରୁଖ ଖାନ୍ଙ୍କ ପୁଅ ଆର୍ଯ୍ୟାନ୍ ଖାନ୍ । ନିକଟରେ ଆର୍ଯ୍ୟାନ୍ ତାଙ୍କର କିଛି ସାଙ୍ଗମାନଙ୍କ ସହ ଏକ ପାର୍ଟିରେ ଯୋଗଦେଇଥିବା ଫଟୋ ସୋସିଆଲ ମିଡିଆରେ ଭାଇରାଲ ହେଇଛି । ଯେଉଁଥିରେ କିଛି ସେଲିବ୍ରେଟି ପିଲାମାନଙ୍କ ସହ ଆର୍ଯ୍ୟାନ୍ ନଜର ଆସିଛନ୍ତି । ସେମାନଙ୍କ ମଧ୍ୟରେ ଅଭିନେତ୍ରୀ ରୋଶନି ୱାଲିଆ ମଧ୍ୟ ସାମିଲ ଥିବା ଫଟୋରେ ଦେଖିବାକୁ ମିଳିଛି ।
ଅଭିନେତ୍ରୀ ରୋଶନି ୱାଲିଆ ତାଙ୍କ ଟ୍ୱିଟରରେ କିଛି ଫଟୋ ମଧ୍ୟ ସେୟାର କରିଛନ୍ତି । ଯାହାକୁ ଦେଖି ଆର୍ଯ୍ୟାନ ଓ ରୋଶନିଙ୍କ ଡେଟିଂ ଚାଲିଥିବା ଚର୍ଚ୍ଚା ହେଉଛି । ଖାଲି ସେତିକି ନୁହେଁ କିଛି ଦର୍ଶକ ଉଭୟଙ୍କୁ ‘ହଟ୍ କପୁଲ’ ମଧ୍ୟ କହିଛନ୍ତି । ଅଭିନେତ୍ରୀ ରୋଶନି ଆର୍ଯ୍ୟାନ୍ ଖାନ୍ଙ୍କ ସହ ତାଙ୍କର କିଛି ସାଙ୍ଗମାନଙ୍କ ଫଟୋ ସେୟାର କାରିଛନ୍ତି । ଯେଉଁଥିରେ ସମସ୍ତେ ପାର୍ଟି କରୁଥିବା ନଜର ଆସିଛନ୍ତି ।
ରୋଶନି ୱାଲିଆ କେବଳ ଜଣେ ଟିଭି ଅଭିନେତ୍ରୀ ନୁହଁନ୍ତି ବରଂ ତାଙ୍କର ଅନ୍ୟକିଛି ପରିଚୟ ମଧ୍ୟ ରହିଛି । ଇଣ୍ଟରନେଟ୍ରେ ସେ ସମସ୍ତଙ୍କ ପାଇଁ ବେଶ୍ ଜଣାଶୁଣା । କାରଣ ରୋଶନି ୱାଲିଆ ପ୍ରତିଦିନ ଇଣ୍ଟରନେଟ୍ରେ ଆକ୍ଟିଭ୍ ରହିବା ସହ ଅନେକ ଫଟୋ ପୋଷ୍ଟ କରିଥା’ନ୍ତି ।
