<h3>ନ୍ୟୁୟର୍କରେ କମାଲ କଲା ଭାରତ । ଗତକାଲିର ରୋମାଂଚକର ମ୍ୟାଚରେ ପାକିସ୍ତାନକୁ ଧୂଳି ଚଟାଇଛି ଭାରତ ।ମାତ୍ର ୬ ରନରେ ପାକିସ୍ତାନକୁ ହରାଇ ବିଜୟ ହାସଲ କରିଛି ଟିମ ଇଣ୍ଡିଆ ।ତେବେ ପ୍ରଥମେ ବ୍ୟାଟିଂ କରି ଭାରତ ୧୯ ଓଭରରେ ୧୧୯ ରନ କରି ଅଲଆଉଟ ହୋଇଥିଲା ।ଜବାବରେ ଭାରତୀୟ ବୋଲରଙ୍କ ଦମଦାର ପ୍ରଦର୍ଶନ ବଳରେ ପାକିସ୍ତାନର ୭ ୱିକେଟରେ ୧୧୩ ରନରେ ହିଁ ଅଟକି ଯାଇଥିଲା ।ମାତ୍ର ୪ ଓଭରରେ ୧୪ ରନରେ ମହମ୍ମଦ ରିଜୱାନଙ୍କ ସମେତ ତିନୋଟି ୱିକେଟ ନେଇଥିଲେ ଭାରତର ଫାଷ୍ଟବୋଲର ଯଶପ୍ରୀତ ବୁମରା ।ପ୍ରଥମରୁ ହିଁ ବ୍ୟାଟିଂ ବିପର୍ଯ୍ୟୟର ସାମ୍ନା କରିଥିଲା ପାକିସ୍ତାନ ଟିମ ।୨୬ ରନରେ ଦଳ ପ୍ରଥମ ୱିକେଟ ହରାଇଥିଲା । ୧୩ ରନ କରିବାବର ଆଜମ ଆଉଟ ହୋଇଥିଲେ ।ମହମ୍ମଦ ରିଜୱାନ ସର୍ବାଧିକ ୩୧ ରନ କରିଥିଲେ ।ଅନ୍ୟ ବ୍ୟାଟ୍ସମ୍ୟାନ ମାନେ ଆଖି ଦୃଶିଆ ପ୍ରଦର୍ଶନ କରି ପାରିନଥିଲେ ।ଅନ୍ୟପଟେ ହାର୍ଦ୍ଦିକ ପାଣ୍ଡ୍ୟାଙ୍କୁ ୨ଟି ୱିକେଟ ମିଳିଥିଲା ।ପୂର୍ବରୁ ପ୍ରଥମେ ବ୍ୟାଟିଂ କରିଥିବା ଟିମ ଇଣ୍ଡିଆ ବ୍ୟାଟିଂ ବିପର୍ଯ୍ୟୟର ସମ୍ମୁଖିନ ହୋଇ ୧୧୯ ରନ କରିଥିବାବେଳେ ରିଷଭ ପନ୍ତ ସର୍ବାଧିକ ୪୨ ରନ କରିଥିଲେ ।ସେହିପରି ଏହି ଟୁର୍ଣ୍ଣାମେଂଟରେ ଭାରତ ପ୍ରଥମ ମ୍ୟାଚରେ ଆୟର୍ଲାଣ୍ଡକୁ ୮ ୱିକେଟରେ ହରାଇଥିଲା ।ଆସନ୍ତା ୧୨ରେ ଆମେରିକା ଓ ୧୫ରେ କାନାଡା ସହ ମ୍ୟାଚ ଖେଳିବ ଭାରତ ।</h3>
