ବେଆଇନ ଭାବେ କଲିକତାକୁ ଗୋଚାଲାଣ ବେଳେ ୭୩ ଗୋରୁ ଉଦ୍ଧାର

ଗୋତସ୍କରମାନେ ଅତି ନିଷ୍ଠୁର ଭାବେ ବାହାର ରାଜ୍ୟକୁ କରୁଛନ୍ତି ଗୋଚାଲାଣ । ଅତି ଅମାନୁଷିକ ଭାବେ ନିରୀହ ଗାଈଗୋରୁଙ୍କୁ ଗାଡ଼ିରେ ଲଦି କରାଯାଉଛି ଚାଲାଣ । ଏହି ଦୃଶ୍ଯକୁ ଦେଖିଲେ ହୃଦୟ କାନ୍ଦୁଛି । ଆଜି ରାତି ୩.ଘଟିକା ସମୟରେ ଏଭଳି ବେଆଇନ ଭାବେ ଗୋଚାଲାଣ କରାଯାଉଥିବା ବେଳେ ବଜରଙ୍ଗ ଦଳ କାର୍ଯ୍ଯକର୍ତ୍ତା ଗାଡିକୁ ଅଟକ ରଖି ନିରୀହ ଗାଈଗୋରୁଙ୍କୁ ଉଦ୍ଧାର କରିଥିଲେ। ଖୋର୍ଦ୍ଧାରୁ କଲିକତା ଗୋଚାଲଣ ହେଉଥିବା ବେଳେ ଭୁବନେଶ୍ବର ବଜରଙ୍ଗ ଦଳ କାର୍ଯ୍ଯକର୍ତ୍ତାମାନେ ଆଇଗିଣିଆ ଓଭରବ୍ରିଜ୍ ପାଖରେ ୫ଟି ଗୋଚାଲଣ ଗାଡିକୁ ଅଟକାଇଥିଲେ । ବଜରଙ୍ଗ ଦଳ କାର୍ଯ୍ଯକର୍ତ୍ତାମାନେ ୭୩ଟି ଗୋମାତାଙ୍କୁ ଉଦ୍ଧାର କରି ପୋଲିସକୁ ହସ୍ତାନ୍ତର କରିଥିଲେ । ଉଦ୍ଧାର ହୋଇଥିବା ସମସ୍ତ ଗୋମାତାଙ୍କୁ ପିପୁଲ ଫର ଆନିମଲ ଗୋଶାଳାରେ ରଖାଯାଇଛି ।