ପ୍ରତିବର୍ଷ ସେପ୍ଟେମ୍ବର ୧୪ ତାରିଖକୁ ହିନ୍ଦୀ ଦିବସ ରୂପେ ପାଳନ କରାଯାଉଛି । ଯେଉଁଥିରେ ଅଧିକାଂଶ ଇଂରାଜୀ ଭାଷାଭାଷୀ ଭାରତୀୟ ମାନଙ୍କ ମଧ୍ୟରେ ରାଷ୍ଟ୍ରଭାଷାର ଅସ୍ତିତ୍ୱକୁ ବଳବତ୍ତର ରଖିବା ପାଇଁ | ଏହା ଏକ ଭିନ୍ନ କଥା ଯେ ଭାରତର ରାଷ୍ଟ୍ରୀୟଭାଷା ହୋଇ ମଧ୍ୟ ହିନ୍ଦୀ ନିଜ ଦେଶରେ ନିଜର ଅସ୍ତିତ୍ୱ ପାଇଁ ଲଢୁଛି । ତେଣୁ ପ୍ରତିବର୍ଷ ୧୪ ସେପ୍ଟେମ୍ବରରେ ସାରା ଦେଶରେ ହିନ୍ଦୀ ଦିବସ ପାଳନ କରାଯାଉଛି | କିନ୍ତୁ କଣ ଆପଣ ଜାଣନ୍ତି କି କେବଳ ଏହି ଦିନରେ ହିନ୍ଦୀ ଦିବସ କାହିଁକି ପାଳନ କରାଯାଏ ? ତେବେ ଆସନ୍ତୁ ଜାଣିବା ଏହାର ପ୍ରକୃତ କାରଣ | ଭାରତର ସ୍ୱାଧୀନତା ପରେ ହିନ୍ଦୀକୁ ଜାତୀୟ ଭାଷା କରିବା ପାଇଁ ମହାତ୍ମା ଗାନ୍ଧୀ ଏବଂ ଜବାହରଲାଲ ନେହେରୁ ମଧ୍ୟ ସମର୍ଥକ ଥିଲେ। ସେ ଗୋଟିଏ କିମ୍ବା ଦୁଇଟି ଭାଷାକୁ ସମଗ୍ର ଦେଶର ଭାଷା କରିବା ପାଇଁ ଏକ ଅଭିଯାନ ଆରମ୍ଭ କରିଥିଲେ। ଏହି ଅଭିଯାନରେ କିଛି ହିନ୍ଦୀ ବିରୋଧୀ ଦଳ ଏହାକୁ ବିରୋଧ କରୁଥିବାବେଳେ। ସେ ଇଂରାଜୀକୁ ରାଜ୍ୟ ଭାଷା ଭାବରେ ରଖିବା ସପକ୍ଷରେ ଥିଲେ। ଏହା ପରେ ୧୯୪୯ ମସିହାରେ ଭାରତର ସାମ୍ବିଧାନିକ କମିଟି ଏକ ଚୁକ୍ତି କରିଥିଲା। ଯାହାକୁ ମୁନ୍ସି-ଆୟଙ୍ଗର ଚୁକ୍ତି କୁହାଯାଏ | ଏହା ପରେ, ସରକାରୀ ଭାଷା ଭାବରେ ଗ୍ରହଣ କରାଯାଇଥିଲା ହିନ୍ଦୀ ଭାଷାକୁ | ସମ୍ବିଧାନରେ ଭାରତର କେବଳ ଦୁଇଟି ସରକାରୀ ଭାଷା ଉଲ୍ଲେଖ କରାଯାଇଥିଲା। ଏଥିରେ କୌଣସି ‘ଜାତୀୟ ଭାଷା’ ବିଷୟରେ ଉଲ୍ଲେଖ କରାଯାଇ ନଥିଲା । ଏହାର ଲକ୍ଷ୍ୟ ଥିଲା ପରବର୍ତ୍ତୀ ପନ୍ଦର ବର୍ଷରେ ସରକାରୀ ଭାଷା ଭାବରେ ଇଂରାଜୀ ବ୍ୟବହାରକୁ ହ୍ରାସ କରିବା। ହିନ୍ଦୀ ସମର୍ଥକଙ୍କ ମଧ୍ୟରେ ରାଜନେତା ବାଲକ୍ରୀଷ୍ଣା ଶର୍ମା ଏବଂ ପୁରୁଷୋତ୍ତମ ଟଣ୍ଡନ ମଧ୍ୟ ଇଂରାଜୀ ଭାଷା କୁ ବିରୋଧ କରିଥିଲେ । ସେତେବେଳେ ଭାଷାକୁ ନେଇ ଅନେକ ବିବାଦ ଜୋର ଧରିଥିଲା । କେବଳ ହିନ୍ଦୀକୁ ଭାରତର ଜାତୀୟ ଭାଷା କରିବା ପାଇଁ ଆନ୍ଦୋଳନ କରାଯାଇଥିଲେ ବ କୌଣସି ସୁଫଳ ମିଳି ନଥିଲା । ଏହାପରେ କାର୍ଯ୍ୟକାରୀ ହେଲା ସରକାରୀ ଭାଷା ଆଇନ ୧୯୬୩ ଯାହାକୁ ୧୯୬୭ ରେ ସଂଶୋଧନ କରାଯାଇଥିଲା । ଯାହା ମାଧ୍ୟମରେ ଭାରତ ଏକ ଦ୍ଵିଭାଷୀ ପଦ୍ଧତି ଆପଣେଇ ଥିଲା । ଯେଉଁଥିରେ ଦୁଇଟି ଭାଷା ହିନ୍ଦୀ ଏବଂ ଇଂରାଜୀ କୁ ନୂତନ ଦେଶର ସରକାରୀ ଭାଷା ଭାବେ ମନୋନୀତ କରାଯାଇଥିଲା । ପରେ ଜବାହାରଲାଲ ନେହେରୁ ସରକାର ଏହି ଐତିହାସିକ ଦିନର ମହତ୍ତ୍ଵ ଦେଖି ସେପ୍ଟେମ୍ବର ୧୪ ତାରିଖକୁ ହିନ୍ଦୀ ଦିବସ ରୂପେ ପାଳନ କରିବାକୁ ନିଷ୍ପତ୍ତି ନେଇଥିଲେ । ପ୍ରଥମ ସରକାରୀ ହିନ୍ଦୀ ଦିବସ ୧୪ ସେପ୍ଟେମ୍ବର ୧୯୫୩ ରେ ପାଳନ କରାଯାଇଥିଲା ।
#hindidiwas2021 #HindiDivas #HindiDiwas #हिन्दी_दिवस_2021 #nnsodia
