ରାଜ୍ୟରେ ଅଗ୍ନି ବର୍ଷା, ସକାଳୁ ସକାଳୁ କଲବଲ୍ କରୁଛି ତାତି

ଭୁବନେଶ୍ୱର(ଏନଏନଏସ୍): ରାଜ୍ୟରେ ଅସହ୍ୟ ହେଉଛି ଗରମ । ସକାଳୁ ସକାଳୁ ପ୍ରଚଣ୍ଡ ଖରାର ପ୍ରକୋପ । ସକାଳ ୮ଟାରୁ ତାତି ଅନୁଭୂତ ହେଉଛି । ସକାଳ ୮ଟା ସୁଦ୍ଧା ଭୁବନେଶ୍ୱରରେ ତାପମାତ୍ରା ୩୨.୮ଡିଗ୍ରୀ ରେକର୍ଡ କରାଯାଇଛି । ଅନ୍ୟପଟେ ଆଗାମୀ ୫ଦିନ ଆହୁରି ତାତି ଅନୁଭୂତ ହେବ । କିନ୍ତୁ ତାତିରୁ ଆଶ୍ୱସ୍ତି ଆଣିପାରେ କାଳବୈଶାଖୀ ବର୍ଷା ବୋଲି ସୂଚନା ରହିଛି । ଆଗାମୀ ୨୪ ଘଣ୍ଟାରେ ଦକ୍ଷିଣ ଓ ଆଭ୍ୟନ୍ତରୀଣ ଓଡ଼ିଶାର କିଛି ସ୍ଥାନରେ କାଳବୈଶାଖୀ ଜନିତ ବର୍ଷା ପବନ ସମ୍ଭାବନା ରହିଛି । ଏହାର ପ୍ରଭାବର ତାତିରୁ ସାମୟିକ ଆଶ୍ୱସ୍ତି ମିଳିପାରେ । ଆଜି ବିଜୁଳି ଓ ଘଡ଼ଘଡ଼ି ପାଇଁ ୧୧ଟି ଜିଲ୍ଲାକୁ ୟେଲୋ ୱାର୍ଣ୍ଣିଂ ଜାରି କରିବା ସହ ସତର୍କ କରାଇଛି ପାଣିପାଗ ବିଭାଗ ।