ବନ୍ଧା ହେଲେ କୋଟିପତି ଡାକ୍ତର ବାବୁ | ଲାଞ୍ଚୁଆ ଡାକ୍ତର ବାବୁଙ୍କ ଘରୁ ଜବତ ହୋଇଛି ନଗଦ କୋଟିଏ ଟଙ୍କା । ଡାକ୍ତରଙ୍କ ସମ୍ପତ୍ତି ଦେଖି ଜଳକା ହୋଇଗଲେ ଭିଜିଲାନ୍ସ ଅଧିକାରୀ ।କାକଟପୁର ଚାରିଛକରେ କାର୍ଯ୍ୟରତ ଡାକ୍ତର ସୁକାନ୍ତ ଜେନା ଲାଞ୍ଚ ନେବା ବେଳେ ଧରାପଡ଼ିବା ପରେ ଖୋଲିଛି ତାଙ୍କ କଳାଟଙ୍କାର ଗୁମର ।
ଜଣେ ପ୍ରସୂତିଙ୍କ ସିଜରିଆନ ଅପରେସନ କରିବା ପାଇଁ ଡାକ୍ତର ସୁକାନ୍ତ ଜେନା ୮ହଜାର ଟଙ୍କା ଲାଞ୍ଚ ନେବା ସମୟରେ ଧରାପଡିଥିଲେ । ଏହାପରେ ଭୁବନେଶ୍ୱର ପଟିଆ ଘରେ ଚଢାଉ କରିଥିଲେ ଭିଜିଲାନ୍ସ ଅଧିକାରୀ । ଏଇ ନିକଟରେ ଭିଜିଲାନ୍ସ ଯେତେ ଚଢାଉ କରିଛି, ସବୁଠୁ ଅଧିକ ନଗଦ ରାଶି ଜବତ ହୋଇଛି ଡାକ୍ତର ସୁକାନ୍ତଙ୍କ ଘରୁ । ତେବେ ଭିଜିଲାନ୍ସ ଅଧିକାରୀ ଟଙ୍କା ଗଣି ଗଣି ଥକି ପଡିବାରୁ ପଟିଆସ୍ଥିତ ଘରେ ଟଙ୍କା ଗଣିବାକୁ ଲାଗିଥିଲା ମେସିନ୍।
