ସୋର: ସିସିଟିଭିରେ କଏଦ ହେଲା ସୁନା ଲୁଟ୍ ବେଳର ଦୃଶ୍ୟ । ବାଲେଶ୍ୱର ସୋର ଥାନା ବଡ଼ଖୁରି ଛକରେ ଥିବା ଜଗଦ୍ଧାତ୍ରୀ ଜୁଏଲାରୀରୁ ସୁନା ଅଳଙ୍କାର ଲୁଟ୍ ହୋଇଛି । ଗ୍ରାହକ ବେଶରେ ଆସି ଗହଣା ଦୋକାନରୁ ୧୪ ଗ୍ରାମର ସୁନା ହାର ଲୁଟି ନେଇ ଯାଇଛନ୍ତି ଦୁର୍ବୃତ୍ତ । ପୋଲିସ ସିସିଟିଭି ଫୁଟେଜ୍ ଆଧାରରେ ତଦନ୍ତ କରୁଛି ।
ସୂଚନାଯୋଗ୍ୟ ଯେ, ଗ୍ରାହକ ବେଶରେ ଆସିଥିବା ଦୁର୍ବୃତ୍ତ ଏକ ୧୪ ଗ୍ରାମ୍ ଓଜନର ସୁନା ହାର ଦେଖୁଥିଲେ । ଅନ୍ୟ ଗ୍ରାହକ ଆସିବାରୁ ଗହଣା ଦୋକାନର ମାଲିକ ଅନ୍ୟ ଗ୍ରାହକଙ୍କୁ ଅଳଙ୍କାର ଦେଖାଉଥିଳେ । ଏହାର ସୁଯୋଗ ନେଇ ଦୁର୍ବୃତ୍ତ ଜଣଙ୍କ ହାର ନେଇ ଚମ୍ପଟ ମାରିଛନ୍ତି । ଯାହାର ଦୃଶ୍ୟ ସିସିଟିଭିରେ କଏଦ ହୋଇଛି । ଗହଣା ଦୋକାନର ମାଲିକ ଟୁନୁ ସାହୁ ଏନେଇ ସୋର ଥାନାରେ ଅଭିଯୋଗ କରିବା ପରେ ସୋର ପୋଲିସ ଘଟଣାର ଛାନଭିନ୍ କରୁଛନ୍ତି ।
