ଦୋହଲି ଗଲା ଦେଶ । ସ୍ତବ୍ଧ ହୋଇଗଲା ସବୁ କିଛି । ଲୁହରେ ଭିଜିଲା ପ୍ରତିଟି ଦେଶବାସୀଙ୍କ ଆଖି । ଶତ୍ରୁ ଦେଶ ଆଖିରେ ବି ଲୁହ ଆସିଗଲା ଯେତେବେଳେ ଖବର ପ୍ରସାରିତ ହେଲା ଦେଶର ପ୍ରଥମ ସିଡିଏସ ବିପିନ ରାୱତ ଆଉ ନାହାନ୍ତି । ଗତକାଲି ତାମିଲନାଡୁର କୁନ୍ନୁରରେ ସେନା ହେଲିକପ୍ଟର Mi-17V5 ଦୁର୍ଘଟଣାଗ୍ରସ୍ତ ହୋଇଥିଲା । ଏଥିରେ ସିଡିଏସ ଓ ତାଙ୍କ ପତ୍ନୀ ମଧୁଲିକାଙ୍କ ସମେତ ୧୩ଜଣଙ୍କର ନିଧନ ହୋଇଛି । ଆଜି ସିଡିଏସଙ୍କ ପାର୍ଥିବ ଶରୀରକୁ ଦିଲ୍ଲୀ ନିଆଯିବ । ଗତକାଲି ଅର୍ଥାତ ଶୁକ୍ରବାର ଶେଷକୃତ୍ୟ ସମ୍ପର୍ଣ୍ଣ ହେବ ।
ସିଡିଏସ୍ ଜେନେରାଲ୍ ବିପିନ ରାୱତ ଏବଂ ତାଙ୍କ ପତ୍ନୀଙ୍କ ମରଶରୀର ଗୁରୁବାର ସନ୍ଧ୍ୟା ସୁଦ୍ଧା ସାମରିକ ବିମାନରେ ଜାତୀୟ ରାଜଧାନୀ ଦିଲ୍ଲୀରେ ପହଞ୍ଚିଲା । ଶୁକ୍ରବାର ସେମାନଙ୍କ ବାସଭବନକୁ ନିଆଯିବ । ସକାଳ 11 ଟାରୁ ପୂର୍ବାହ୍ନ 2 ଟା ପର୍ଯ୍ୟନ୍ତ ଲୋକଙ୍କୁ ଶେଷ ଦର୍ଶନ କରିବାକୁ ଅନୁମତି ଦିଆଯିବ । ଏହା ପରେ କାମରାଜ ମାର୍ଗରୁ ଦିଲ୍ଲୀ କ୍ୟାଣ୍ଟନମେଣ୍ଟର ବରାହ ଚୌରାହା ଶ୍ମଶାନ ଘାଟକୁ ତାଙ୍କ ଅନ୍ତିମ ଯାତ୍ରା ଆରମ୍ଭ ହେବ । ଅନ୍ତିମ ସଂସ୍କାରରେ ତାଙ୍କ ସାନ ଭାଇ ଭଉଣୀ ଉପସ୍ଥିତ ରହିବେ।ଏହା ସହିତସିଡିଏସ ବିପିନ ରାୱତଙ୍କ ଦେହାନ୍ତରେ ତିନି ଦିନ ରାଷ୍ଟ୍ରୀୟ ଶୋକ ପାଳିବ ଉତ୍ତରାଖଣ୍ଡ । ଏ ନେଇ ଘୋଷଣା କରିଛନ୍ତି ଉତ୍ତରାଖଣ୍ଡ ମୁଖ୍ୟମନ୍ତ୍ରୀ ପୁଷ୍ପର ସିଂ ଧାମୀ । ସିଡିଏସ୍ ଜେନେରାଲ୍ ବିପିନ ରାୱତଙ୍କ ଦେହାନ୍ତ ବିଷୟରେ ଜାଣି ମୁଁ ଅତ୍ୟନ୍ତ ଦୁଃଖିତ। ସେ ଦେଶ ପାଇଁ ନିଜ ଜୀବନକୁ ଉତ୍ସର୍ଗ କରିଥିଲେ। ତାଙ୍କ ପରିବାର ପ୍ରତି ମୋର ସମବେଦନା ବୋଲି କହିଛନ୍ତି ପୁଷ୍କର ସିଂ ଧାମୀ । ତେବେ ଉତ୍ତରାଖଣ୍ଡର ପଉରୀ ଗଡୱାଲରେ ଜନ୍ମଗ୍ରହଣ କରିଥିଲେ । ରାଓ୍ବତଙ୍କ ବାପା ଲକ୍ଷ୍ମଣ ସିଂ ରାଓ୍ବତ ମଧ୍ୟ ଭାରତୀୟ ସେନାରେ ଏକ ଉଚ୍ଚପଦସ୍ଥ ପଦବୀରେ ନିୟୋଜିତ ଥିଲେ । ବାପାଙ୍କ ପରେ ସେ ମଧ୍ୟ ଦେଶ ସେବାରେ ନିଜ ଜୀବନକୁ ଉତ୍ସର୍ଗ କରିଥିଲେ ।
ସେ ତାମିଲନାଡୁର ୱେଲିଙ୍ଗଟନ୍ରେ ଅବସ୍ଥିତ ଡିଫେନ୍ସ ସର୍ଭିସ ଷ୍ଟାଫ୍ କଲେଜ, ଯେଉଁଠାରେ ସେ ଭାଷଣ ଦେବାକୁ ଯାଉଥିଲେ, ଏହା ହେଉଛି ବିଶ୍ୱର ଅନ୍ୟତମ ପ୍ରତିଷ୍ଠିତ ସାମରିକ ତାଲିମ ପ୍ରତିଷ୍ଠାନ। ଯେଉଁଠାରେ ଭାରତୀୟ ସେନାର ସମସ୍ତ ତିନୋଟି ଅଂଶର ଅଧିକାରୀମାନଙ୍କୁ ତାଲିମ ଦିଆଯାଉଛି | 30 ରୁ ଅଧିକ ଦେଶରୁ ସାମରିକ ଅଧିକାରୀ ତାଲିମ ନେବାକୁ ଏଠାକୁ ଆସନ୍ତି | ଏହି ଅନୁଷ୍ଠାନରେ ସାମରିକ ଅଧିକାରୀମାନଙ୍କୁ ଯୁଦ୍ଧ ପାଇଁ ରଣନୀତି ପ୍ରସ୍ତୁତ କରିବାକୁ ଶିକ୍ଷା ଦିଆଯାଏ |
ଆପଣ ଜାଣିଛନ୍ତି କି ତାମିଲନାଡୁର ୱେଲିଙ୍ଗଟନ୍ରେ ଅବସ୍ଥିତ ଡିଫେନ୍ସ ସର୍ଭିସ ଷ୍ଟାଫ୍ କଲେଜ, ଯେଉଁଠାରେ ସେ ଭାଷଣ ଦେବାକୁ ଯିବାବେଳେ ଦୁର୍ଘଟଣା ଘଟିଥିଲା, ତାହା ହେଉଛି ବିଶ୍ୱର ଅନ୍ୟତମ ପ୍ରତିଷ୍ଠିତ ସାମରିକ ତାଲିମ ପ୍ରତିଷ୍ଠାନ। ଯେଉଁଠାରେ ଭାରତୀୟ ସେନାର ସମସ୍ତ ତିନୋଟି ବିଭାଗର ଅଧିକାରୀମାନଙ୍କୁ ତାଲିମ ଦିଆଯାଉଛି | 30 ରୁ ଅଧିକ ଦେଶରୁ ସାମରିକ ଅଧିକାରୀ ତାଲିମ ନେବାକୁ ଏଠାକୁ ଆସନ୍ତି | ଏହି ଅନୁଷ୍ଠାନରେ ସାମରିକ ଅଧିକାରୀମାନଙ୍କୁ ଯୁଦ୍ଧ ପାଇଁ ରଣନୀତି ପ୍ରସ୍ତୁତ କରିବାକୁ ଶିକ୍ଷା ଦିଆଯାଏ |
ବିପିନ ରାୱତଙ୍କ ନିଧନରେ ସିସିଏସର ଗୁରୁତ୍ବପୂର୍ଣ୍ଣ ବୈଠକ ଡକାଯାଇଥିଲା । ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ପ୍ରତିରକ୍ଷା ମନ୍ତ୍ରୀ ରାଜନାଥ ସିଂ, ଗୃହମନ୍ତ୍ରୀ ଅମିତ ଶାହା ଓ ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲଙ୍କ ସମେତ ଏହି ବୈଠକରେ ଉପସ୍ଥିତ ଥିଲେ । ଦୁର୍ଘଟଣାର ଜୀବନ ହାରିଥିବା ସମସ୍ତଙ୍କ ପାଇଁ ୨ ମିନିଟ ଧରି ପ୍ରାର୍ଥନା କରାଯାଇଥିଲା । ଆଜି ଦୁର୍ଘଟଣା ନେଇ ଉଭୟ ଗୃହରେ ବିବୃତ୍ତି ରଖିବେ ପ୍ରତିରକ୍ଷାମନ୍ତ୍ରୀ ରାଜନାଥ ସିଂ।
ସିଡିଏସ୍ ଜେନେରାଲ୍ ବିପିନ ରାୱତଙ୍କ ମୃତ୍ୟୁକୁ ନେଇ ଶତ୍ରୁ ଦେଶ ପାକିସ୍ତାନ ମଧ୍ୟ ସମବେଦନା ଜଣାଇଛି। ପାକିସ୍ତାନର ଚେୟାରମ୍ୟାନ୍ ଯୁଗ୍ମ ଷ୍ଟାଫ୍ କମିଟି (ସିଜେସିଏସ୍ସି) ଲେଫ୍ଟ ଜେନେରାଲ୍ ନଦୀମ୍ ରାଜା ଏବଂ ସେନା କର୍ମଚାରୀଙ୍କ ମୁଖ୍ୟ (COAS) ଜେନେରାଲ୍ କାମାର ଜାଭେଦ୍ ବାଜୱା ସିଡିଏସ୍ ଜେନେରାଲ୍ ବିପିନ ରାୱତ, ତାଙ୍କ ପତ୍ନୀ ମଧୁଲିକା ରାୱତ ଏବଂ ହେଲିକପ୍ଟର ଦୁର୍ଘଟଣାର ସମସ୍ତ ଶହୀଦଙ୍କ ପାଇଁ ଶୋକଵ୍ୟକ୍ତ କରିଛନ୍ତି। ପାକିସ୍ତାନ ସଶସ୍ତ୍ର ବାହିନୀର ମୁଖପାତ୍ର ଟୁଇଟ୍ କରି ଏହି ସୂଚନା ଦେଇଛନ୍ତି। ସେହିଭଳି ଆମେରିକାର ଦୂତାବାସ ସମବେଦନା ଜଣାଇ କହିଛି ଯେ ସେ ଦେଶର ପ୍ରଥମ ସିଡିଏସ୍ ଭାବରେ ଭାରତୀୟ ସେନାରେ ପରିବର୍ତ୍ତନର ଏକ ଏତିହାସିକ ସମୟରେ ନେତୃତ୍ୱ ନେଇଥିଲେ । ସେ ଆମେରିକାର ସୈନ୍ୟବାହିନୀ ସହିତ ଭାରତର ପ୍ରତିରକ୍ଷା ସହଯୋଗର ଏକ ବୃହତ ବିସ୍ତାରକୁ ଦେଖାଶୁଣା କରୁଥିବା ଆମେରିକାର ଜଣେ ଦୃଢ ବନ୍ଧୁ ଏବଂ ସହଯୋଗୀ ଥିଲେ ।
