ନବରଙ୍ଗପୁରର ପୂର୍ବତନ କଂଗ୍ରେସ ସାଂସଦ ପ୍ରଦୀପ ମାଝି ଆଜି ବିଜେଡିରେ ଯୋଗ ଦେଇଛନ୍ତି । ୧୦ ହଜାର ସମର୍ଥକଙ୍କ ସହ ଏକ ରାଲିରେ ଆସି ବିଧିବଦ୍ଧ ଭାବେ ସେ ବିଜେଡିରେ ସାମିଲ ହୋଇଛନ୍ତି । ନବରଙ୍ଗପୁରର ଚାଉଁରିଆଗୁଡାରେ ଆଜି ଏହି ମିଶ୍ରଣ ପର୍ବ ଅନୁଷ୍ଠିତ ହୋଇଥିଲା । ଦଳର ସାଂଗଠନିକ ସମ୍ପାଦକ ପ୍ରଣବ ପ୍ରକାଶ ଦାସ ଓ ଜିଲ୍ଲା ବରିଷ୍ଠ ନେତାଙ୍କ ଉପସ୍ଥିତିରେ ପ୍ରଦୀପ ଶଙ୍ଖ ଧରିଥିଲେ । ଗତ ୨୨ ତାରିଖରେ ପ୍ରଦୀପ କଂଗ୍ରେସ ଦଳରୁ ଇସ୍ତଫା ଦେଇଥିଲେ । କଂଗ୍ରେସ ଦଳରେ ଲୋକଙ୍କ ସେବା କରିବା ପାଇଁ ସୁଯୋଗ ନ ଥିବାରୁ ସେ ଦଳ ଛାଡିଥିବା କହିଥିଲେ ।
