ସମ୍ବଲପୁର(ଏନଏନଏସ୍): ପାଇପ୍ ଗୋଦାମରେ ଭୟଙ୍କର ଅଗ୍ନିକାଣ୍ଡ । ହୁତୁ ହୁତୁ ହୋଇ ଜଳିଗଲା ପାଇପ୍ ଗୋଦାମ । ସୂଚନା ଅନୁଯାୟୀ ସମ୍ବଲପୁର ଜିଲ୍ଲା ଧମା ଥାନା ଗୁଣ୍ଡେଇପୁର ଅଞ୍ଚଳରେ ଥିବା ଏକ ପାଇପ୍ ଗୋଦାମରେ ନିଆଁ ଭୟଙ୍କର ଅଗ୍ନିକାଣ୍ଡ ଘଟିଛି । ଆଜି ସକାଳେ ପାଇପ୍ ଗୋଦାମରେ ହଠାତ୍ ନିଆଁ ଲାଗିଯାଇଥିଲା । ନିଆଁର ପ୍ରକୋପ ଏତେ ଅଧିକ ଥିଲା ଯେ ଦେଖୁ ଦେଖୁ ପ୍ରାୟ ୨୦ ଫୁଟରୁ ଅଧିକ ଉଚ୍ଚକୁ ଉଠିଥିଲା ନିଆଁ ।
ନିଆଁ ଲାଗି ଲକ୍ଷାଧିକ ଟଙ୍କାର ପ୍ଲାଷ୍ଟିକ ପାଇପ୍ ଛାରଖାର ହୋଇଯାଇଛି । ଘଟଣାସ୍ଥଳରେ ୫ଟି ଦମକଳ ଗାଡ଼ି ପହଞ୍ଚି ନିଆଁକୁ ଆୟତ୍ତ କରିଛନ୍ତି । ତେବେ କେମିତି ଏଭଳି ଅଗ୍ନିକାଣ୍ଡ ଘଟିଲା ସେନେଇ କାରଣ ସ୍ପଷ୍ଟ ଜଣାପଡ଼ିନାହିଁ ।
