କେନ୍ଦ୍ରାପଡା(ଏନଏନଏସ୍): କେନ୍ଦ୍ରାପଡା ଆଳି ନୂଆବଜାରରେ ଭୟାବହ ଅଗ୍ନିକାଣ୍ଡ । ଡ୍ରେସ୍ ଦୋକାନରେ ଲାଗିଲା ନିଆଁ । ଆଜି ସକାଳୁ ନୂଆବଜାରରେ ଥିବା ଏକ କ୍ଲଥ୍ ଷ୍ଟୋରରେ ନିଆଁ ଲାଗିଯାଇଥିଲା । ଫଳରେ ଲକ୍ଷାଧିକ ଟଙ୍କାର କପଡା ଜଳିପୋଡି ପାଉଁଶ ହୋଇଯାଇଛି । ଏଥିସହ ଡ୍ରେସ୍ ଦୋକାନ ପାଖରେ ଥିବା ଇଲେକ୍ଟ୍ରୋନିକ୍ସ ଦୋକାନୀ ୩୦ଟି ଏଲଇଡି ଡ୍ରେସ୍ ଦୋକାନରେ ରଖିଥିବାରୁ ତାହା ମଧ୍ୟ ଜଳି ପୋଡି ପାଉଁଶ ହୋଇଯାଇଛି । ଖବର ପାଇ ଘଟଣାସ୍ଥଳରେ ଦମକଳବାହିନୀ ପହଞ୍ଚି ନିଆଁକୁ ଆୟତ୍ତ କରିଛନ୍ତି । ତେବେ କେଉଁ କାରଣରୁ ନିଆଁ ଲାଗିଲା ସେନେଇ ସ୍ପଷ୍ଟ ସୂଚନା ଜଣାପଡିନାହିଁ ।
