ଭୁବନେଶ୍ୱର(ଏନଏନଏସ୍): ରାଜଧାନୀ ଭୁବନେଶ୍ୱରର ଏକ ବାର୍ ରେ ଭୟାବହ ଅଗ୍ନିକାଣ୍ଡ । ସୂଚନାଯୋଗ୍ୟ ସହିଦନଗର ଅଞ୍ଚଳରେ ଥିବା ଭବାନୀ ମଲ୍ ନିକଟରେ ଥିବା ଏକ ବାର୍ ରେ ନିଆଁ ଲାଗିଯାଇଥିବା ସୂଚନା ମିଳିଛି । ସର୍ଟ ସର୍କିଟରୁ ବାର୍ରେ ନିଆଁ ଲାଗିଥିବା ଜଣାପଡ଼ିଛି। ବାର୍ ଭିତରେ ୪ ଜଣ ଫସି ରହିଥିବା ଜଣାପଡ଼ିଛି । ଅନ୍ୟପଟେ ଖବର ପାଇଁ ଘଟଣାସ୍ଥଳରେ ଅଗ୍ନିଶମ କର୍ମଚାରୀ ପହଞ୍ଚି ନିଆଁକୁ ଆୟତ୍ତ କରିବାକୁ ଉଦ୍ୟମ ଜାରି ରଖିଛନ୍ତି । ତେବେ ଭିତରେ ପ୍ରବଳ ଧୂଆଁ ଥିବାରୁ ଫସି ରହିଥିବା ବ୍ୟକ୍ତିଙ୍କୁ ଉଦ୍ଧାର କରିବା କାର୍ୟ୍ୟରେ ବାଧା ସୃଷ୍ଟି ହେଉଛି।
