ରାଜଧାନୀରେ ବୁଲିଲା ହାତୀ, ଘଉଡ଼େଇବା ପାଇଁ ପିସିଆର ଭ୍ୟାନ୍ ସହ ବନକର୍ମଚାରୀ ନାକେଦମ୍

ଭୁବନେଶ୍ୱର(ଏନଏନଏସ୍): ରାଜଧାନୀରେ ଆତଙ୍କ ଖେଳାଇଲା ଦନ୍ତା । ଭୁବନେଶ୍ୱର ସାଲିଆ ସାହିରେ ଦେଖିବାକୁ ମିଳିଛି ଦନ୍ତାହାତୀର ଆତଙ୍କ । ସୂଚନାଯୋଗ୍ୟ ମୈତ୍ରୀ ବିହାର ଥାନା ଅନ୍ତର୍ଗତ ରାସ୍ତାରେ ଦନ୍ତହାତୀ ବୁଲୁଥିବା ଦେଖିବାକୁ ପାଇଥିଲେ ଲୋକେ । ଯାହାକୁ ନେଇ ସ୍ଥାନୀୟ ଲୋକ ଭୟଭୀତ ହୋଇପଡ଼ିଥିଲେ । ପରେ ଖବର ପାଇଁ ଦୁଇଟି ପିସିଆର ଭ୍ୟାନ୍ ସହ ବନ କର୍ମଚାରୀ ପହଞ୍ଚିଥିଲେ । ହାତୀଟିକୁ ଘଉଡ଼େଇବା ପାଇଁ ଦୁଇଟି ପିସିଆର ଭ୍ୟାନ୍ ସହ ବନ କର୍ମଚାରୀ ଏକ ଘଣ୍ଟା ହଇରାଣ ହୋଇଛନ୍ତି ।