ଜୋର୍ ଧରିଛି ଜିନ୍ଦଲ ବିରୋଧୀ ଅଭିଯାନ || Dhinkia Villagers Of Jagatsinghpur Protest Against JSW #NNSODIA

ଜୋର୍ ଧରିଛି ଜିନ୍ଦଲ ବିରୋଧୀ ଅଭିଯାନ | ଜିନ୍ଦଲ ଗୋ ବ୍ୟାକ୍ , ଗୋ ବ୍ୟାକ୍ ନାରାରେ ଆଜି ପ୍ରକମ୍ପିତ ହୋଇଉଠିଥିଲା ସମଗ୍ର ଅଖଣ୍ଡ ଢିଙ୍କିଆ | ଜେଏସ୍ ଡବ୍ଲ୍ୟୁ (jsw) ପ୍ରକଳ୍ପକୁ ବିରୋଧ କରି ପ୍ରସ୍ତାବିତ ପ୍ରକଳ୍ପ ଅଞ୍ଚଳରେ ରଣହୁଙ୍କାର ଦେଇଛନ୍ତି ଢିଙ୍କିଆ ଓ ଆଖପାଖ ଅଞ୍ଚଳର ବିରୋଧୀ | ଦୀର୍ଘ ଦିନ ଧରି ବିରୋଧ କରିବା ପରେ ଢିଙ୍କିଆବାସୀ ପୋସ୍କ ଭଳି କମ୍ପାନୀକୁ ହଟାଇବାରେ ସଫଳ ହୋଇଥିଲେ | ଜେଏସ୍ ଡବ୍ଲ୍ୟୁ (jsw) ପ୍ରକଳ୍ପକୁ ବିରୋଧ କରି ପୁଣି ଆନ୍ଦୋଳନ ଜାରି ରଖିଛନ୍ତି ଅଖଣ୍ଡ ଢିଙ୍କିଆ ଗ୍ରାମବାସୀ | ଆଜି ଜଗତସିଂହପୁର ଜିଲ୍ଲାପାଳ ପାରୋଲ ପଟୱାରି ଢିଙ୍କିଆ ଓ ଆଖାପାଖ ଅଞ୍ଚଳରୁ ଲୋକମାନଙ୍କୁ ଡାକି ଜିଲ୍ଲା ସଦର ମହକୁମାରେ କମ୍ପାନୀ ପାଇଁ ବୈଠକ କରିଥିଲେ | ଜିନ୍ଦଲ ଓ ପୋସ୍କ ପ୍ରତିରୋଧ ସଂଗ୍ରାମ ସମିତିର ବ୍ୟାନରରେ ଆଜି ବିରୋଧ ପ୍ରଦର୍ଶନ କରାଯାଇଛି | ଜଙ୍ଗଲ ଜମି ଆଇନ୍ ଅନୁଯାୟୀ ଅଞ୍ଚଳବାସୀ ଙ୍କୁ ପଟ୍ଟା ପ୍ରଦାନ ଓ ନିଜ ଭିଟାମାଟିକୁ ରକ୍ଷା କରିବା ପାଇଁ ଆନ୍ଦୋଳନ କରୁଥିବା ଆନ୍ଦୋଳନକାରୀଙ୍କ ନାମରୁ ମିଥ୍ୟା ମକଦ୍ଦମା ଉଠେଇବା ପରେ ଯାଇ ପ୍ରଶାସନ ସହ କିଛି ଆଲୋଚନା ହେବ ବୋଲି ସଫା ସଫା କହିଦେଇଥିଲେ ବିରୋଧୀ | ଗୋଟିଏ ପଟେ କମ୍ପାନୀକୁ ନିର୍ମାଣ କରାଇବା ପାଇଁ ପ୍ରଶାସନିକ କ୍ଷେତ୍ରରେ ତତ୍ପରତା ଓ ଏପଟେ ବିରୋଧୀଙ୍କ ଗୋ ବ୍ୟାକ୍ ରଣହୁଙ୍କାର ପୁଣି ଥରେ ଢିଙ୍କିଆ ଚାରି ଦେଶରେ ଲଢେଇର ଦୃଶ୍ୟ ଖୁବ୍ ଶୀଘ୍ର ଦେଖିବାକୁ ମିଳିବ ବୋଲି କୁହାଯାଉଛି |