ଲଘୁଚାପ ଜନିତ ଲଗାଣ ବର୍ଷାରେ ଭାଙ୍ଗିଲା ଘର, ଅଳ୍ପକେ ବର୍ତ୍ତିଲା ଜୀବନ। ଢେ଼ଙ୍କାନାଳ ଜିଲ୍ଲା ହିନ୍ଦୋଳ ବ୍ଲକ ଅନ୍ତର୍ଗତ ବାଉଁଶପୋଖରୀ ପଞ୍ଚାୟତ ଅନ୍ତର୍ଗତ ନୂଆକୋଟ ଡିହସାହିରେ ଲଘୁଚାପ ଯୋଗୁଁ ୩ ଦିନ ଧରି ପ୍ରବଳ ବର୍ଷା ଲାଗି ରହିଛି । ଯାହାର ପ୍ରଭାବରେ ଆଜି ଗ୍ରାମର ସଞ୍ଜୁ ବେହେରା ଏବଂ ସ୍ୱାମୀ – କ୍ଷୀରୋଦ ବେହେରାଙ୍କର ଘର ଭାଙ୍ଗି ଯାଇଥିବା ଦେଖିବାକୁ ମିଳିଛି । ଦୁଇ ବଖରା ଚାଳ ଘର ହିଁ ଥିଲା ସମ୍ପୂର୍ଣ୍ଣ ପରିବାର ପାଇଁ ସାହା ଭରଷା । କିନ୍ତୁ ବର୍ଷାରେ ଘର ଭାଙ୍ଗିଯିବା ଫଳରେ ପରିବାରଟି ବହୁ ଅସୁବିଧାରେ ଚଳୁଥିବା ଜଣା ପଡ଼ିଛି। ଅନ୍ୟପଟେ କାନ୍ଥ ପଡି ଜୀବନ ଯିବାରୁ ଅଳ୍ପକେ ବର୍ତ୍ତି ଯାଇଛନ୍ତି ପରିବାର ଲୋକେ। ସଞ୍ଜୁ ବେହେରାଙ୍କ ମାଟି ଘର ଭାଙ୍ଗିବା ସହ ଏକ କାଠ ପଲଙ୍କ ଭାଙ୍ଗି ଯାଇ ଥିବା ସେ ପ୍ରକାଶ କରିଛନ୍ତି। ସେହିପରି ଲଗାଣ ବର୍ଷାରେ ଗ୍ରାମର ସରୋଜିନୀ ନାୟକ, ଡାକ୍ତର ନାୟକ, ମୀନାଖି ନାୟକ, ଜୟନ୍ତୀ ସାହୁ, ନେଉଳ ବେହେରା ପ୍ରମୁଖଙ୍କ ଘର ଭାଙ୍ଗିବା ସହ ଚାଳ ଉଡାଇ ନେଇ ଥିବା ସୂଚନା ମିଳିଛି । ଏ ଘଟଣା ବିଷୟରେ ହିନ୍ଦୋଳ ତହସିଲଦାର ସୁଶାନ୍ତ ମିଶ୍ର ଙ୍କୁ ପଚାରିବାରୁ ସେ କୁହନ୍ତି ଯେ ଏହାର ତଦନ୍ତ କରିବା ପାଇଁ RI ଙ୍କୁ କୁହା ଯାଇଛି । ଏବଂ ତଦନ୍ତ ପାଇଁ ରିପୋର୍ଟ ଆସିଲା ପରେ ଯାଇ ସରକାରୀ ସହାୟତା ଦିଆଯିବ । ଏପରି ପରିସ୍ଥିତି ରେ ତୁରନ୍ତ ସଞ୍ଜୁ ବେହେରାଙ୍କ ସମେତ କ୍ଷତିଗ୍ରସ୍ତ ହୋଇଥିବା ପରିବାରଙ୍କୁ ସରକାରୀ ସହାୟତା ଯୋଗାଇ ଦେବା ସହ ଅବାସ ଗୃହରେ ଘର ଯୋଗାଇ ଦେବା ପାଇଁ ପ୍ରଶାସନ ଓ ସରକାରଙ୍କୁ ନିବେଦନ କରାଯାଇଛି ।
#Hindol #NNSODIA
