ଧାରଣାରେ ବସିଥିଲେ ବିଧାୟକ ମହମ୍ମଦ ମୋକ୍କିମ । କଟକ ବାରବାଟୀ ବିଧାୟକ ମହମ୍ମଦ ମୋକ୍କିମ ଗତକାଲି ପୁରିଘାଟ ସ୍ଥିତ ମହାତ୍ମାଗାନ୍ଧୀଙ୍କ ପ୍ରତିମୂର୍ତ୍ତି ନିକଟରେ ଧାରଣାରେ ବସିଥିଲେ। ଗତକାଲି କଟକରେ ସ୍ମାର୍ଟ ହେଲଥ କାର୍ଡ ବଣ୍ଟନ କରିଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଏଥିସହିତ କଟକ ଜିଲ୍ଲାରେ ଅନ୍ୟ ପ୍ରକଳ୍ପ ଗୁଡିକର ଘୋଷଣା ମଧ୍ୟ କରିଛନ୍ତି ନବୀନ। କଟକର ବିଭିର୍ନ କାର୍ଯ୍ୟକ୍ରମରେ ବିଧାୟକ ମହମ୍ମଦ ମୋକ୍କିମଙ୍କୁ ନିମନ୍ତ୍ରଣ କରାଯାଇଥିବା ସତ୍ତ୍ୱେ ସେ ତାକୁ ପ୍ରତ୍ୟାଖ୍ୟାନ କରି ଧାରଣାରେ ବସିଛନ୍ତି। ସେ କହିଛନ୍ତି ଯେ, ଯେହେତୁ କଟକ ଜିଲ୍ଲାର ବିଭିନ୍ନ ବିକାଶ ମୂଳକ କାର୍ଯ୍ୟର ଶୁଭାରମ୍ଭ ପାଇଁ ମୁଖ୍ୟମନ୍ତ୍ରୀ କଟକ ଆସିଛନ୍ତି ସେଥିପାଇଁ ତାଙ୍କୁ ମୁଁ ବିରୋଧ କରୁନାହିଁ । କିନ୍ତୁ ସବୁ ଆଡେ ମୁଖ୍ୟମନ୍ତ୍ରୀ ଯାଇ ପାରୁଥିବା ବେଳେ ବିଧାନସଭା ନ ଯିବା ଓ ଲୋକଙ୍କର ସ୍ୱାର୍ଥ ସମ୍ପର୍କରେ ଆଲୋଚନା ନ କରିବାକୁ ବିରୋଧ କରି ଏହି ଧାରଣାରେ ବସିଥିବା କଥା କହିଛନ୍ତି ବିଧାୟକ ମହମ୍ମଦ ମୋକ୍କିମ।
