କମିସନରେଟ ପୋଲିସର ବଡ ସଫଳତା | ଧରାପଡ଼ିଲେ ଲୁଟେରା ଗ୍ୟାଙ୍ଗ । ଘରୁ ସୁନାଗହଣା ଲୁଟି ଚୌଦ୍ୱାର,ଜଗତପୁର,କଟକ ଆଦି ଅଞ୍ଚଳରେ ଆତଙ୍କ ସୃଷ୍ଟି କରିଥିବା ୬ ଜଣ ଲୁଟେରା ଏବେ ଚୌଦ୍ୱାର ପୋଲିସ କବଜାରେ |ଗତ ଜୁଲାଇ ୨୮ ତାରିଖରେ ଚୌଦ୍ୱାର କପାଳେଶ୍ବର ନୁଆସାହିର ମନୋଜ କୁମାର ବରାଳଙ୍କ ଦ୍ୱାରା ଚୌଦ୍ୱାର ଥାନାରେ ଲିଖିତ ଅଭିଯୋଗକୁ ଭିତ୍ତିକରି ଚୌଦ୍ୱାର ଥାନା ଆଇଆଇସି ବିରଞ୍ଚୀ ନାରାୟଣ ପତି କେଶ ନମ୍ବର ୩୨୨ ରୁଜୁ କରି ଘଟଣାର ଅନୁସନ୍ଧାନ କରିଥିଲେ | ଉକ୍ତ ଘଟଣାର ତଦନ୍ତ କରି ଚୋରି ଘଟଣାରେ ସମ୍ପୃକ୍ତ ଥିବା ୬ ଜଣ ଲୁଟେରାଙ୍କୁ ଗିରଫ କରି କୋର୍ଟ ଚାଲାଣ କରିଛି ପୋଲିସ |ଏହି ଲୁଟେରା ମାନେ ଜିଲ୍ଲାର ବିଭିନ୍ନ ଲୁଟ ଘଟଣାରେ ସମ୍ପୃକ୍ତ ଥିବା ବେଳେ ୪ ତାରିଖ ରେ ଜଗତପୁର ରୁ ,୧୨ ଓ ୨୮ ତାରିଖ ରେ ଚୌଦ୍ୱାର ରୁ ହୋଇଥିବା ସୁନାଗହଣା ଓ ଟଙ୍କା ଚୋରିରେ ମଧ୍ୟ ସମ୍ପୃକ୍ତ ଥିଲେ |ପୋଲିସ ସେମାନଙ୍କୁ ଗିରଫ କରିବା ସହ ସେମାନଙ୍କ ଠାରୁ ଚୋରି ହୋଇଥିବା ୧୬୫ ଗ୍ରାମ ର ସୁନା ଅଳଙ୍କାର,୨ ଟି ଲାପଟପ ,ଗୋଟିଏ ଲୁହା କଟର ସହିତ ବିଭିନ୍ନ କମ୍ପାନୀର ୪ ଟି ମୋଟର ସାଇକେଲ ଜବତ କରିଛନ୍ତି ଏହି ସମସ୍ତ ଚୋର ଚୌଦ୍ଵାର , ଜଗତପୁର ଓ କଟକ ଅଞ୍ଚଳର |ଏହି ଚୋର ମାନଙ୍କ ନାମରେ କଟକ,ଖୋର୍ଦ୍ଧା,ପୁରୀ ଆଦି ଥାନାରେ ଏକାଧିକ କେଶ ଥିବା ଜଣାପଡିଛି |ଚୋରି ଘଟଣାର ଅଧିକ ତଦନ୍ତ ଜାରି ରହିଥିବା ବେଳେ ଏହି ସବୁ ଚୋରି କେଶ ରେ ଆଉ କିଛି ବ୍ୟକ୍ତି ମଧ୍ୟ ସମ୍ପୃକ୍ତ ଅଛନ୍ତି ବୋଲି ଏକ ପ୍ରେସମିଟ ମାଧ୍ୟମରେ କଟକ ଆଡ଼ିସିନାଲ ଡିସିପି ପ୍ରମୋଦ ରଥ ସୂଚନା ଦେଇଛନ୍ତି |
#cuttack #COMMISSIONERATEPOLICE #NNSODIA
