ବଲିଉଡ ଡେବ୍ୟୁ କରିବେ ସାରା ତେନ୍ଦୁଲକର | ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକରଙ୍କ ଝିଅ ସାରାଙ୍କୁ ଖୁବଶୀଘ୍ର ଦେଖିବାକୁ ମିଳିବ ବଡ ପରଦାରେ | ବଲିଉଡରେ ପ୍ରବେଶ କରିବାକୁ ଏବେ ପ୍ରସ୍ତୁତ ହେଉଛନ୍ତି ସାରା । ସବୁଠାରୁ ଲୋକପ୍ରିୟ ଷ୍ଟାର୍ କିଡ଼ସଙ୍କ ମଧ୍ୟରୁ ସାରା ଜଣେ ବୋଲି ବିବେଚନା କରାଯାଏ | ସାରାଙ୍କ ଗ୍ଲାମର୍ସ ଚେହେରା ଏବଂ ପର୍ସନାଲିଟିକୁ ଲୋକମାନେ ବେଶ୍ ପସନ୍ଦ କରଥାନ୍ତି ।
ରିପୋର୍ଟ ଅନୁଯାୟୀ, ଚଳଚ୍ଚିତ୍ର ପ୍ରତି ସାରାଙ୍କର ବହୁତ ଆଗ୍ରହ ଅଛି , ତେଣୁ ସେ ବଲିଉଡରେ କ୍ୟାରିୟର କରିବାକୁ ଚାହୁଁଛନ୍ତି | ଏପରିକି ସେ ବ୍ରାଣ୍ଡ ଏଣ୍ଡୋର୍ସମେଣ୍ଟ ପାଇଁ ମଧ୍ୟ ଅଭିନୟ ଶିଖୁଛନ୍ତି | ସାରା ଲଣ୍ଡନ ୟୁନିଭରସିଟିରୁ ମେଡିସିନ ଉପରେ କୋର୍ଷ କରିଥିଲେ ମଧ୍ୟ ଗ୍ଲାମର ଦୁନିଆରେ ନିଜ ପରିଚୟ ସୃଷ୍ଟି କରିବାକୁ ଚାହାନ୍ତି | ସାରାଙ୍କ ଏହି ନିଷ୍ପତ୍ତିରେ ତାଙ୍କ ପିତାମାତା ମଧ୍ୟ ଗ୍ରୀନ ସିଗନାଲ ଦେଇଥିବା ଶୁଣିବାକୁ ମିଳୁଛି |
ସାରା ତାଙ୍କ ଅଭିନୟ ଦକ୍ଷତା ସହିତ ଦର୍ଶକଙ୍କୁ ସରପ୍ରାଇଜ କରିପାରନ୍ତି ବୋଲି କୁହାଯାଉଛି | ସାରା ଏବେ ପ୍ରଫେସନରେ ଜଣେ ମଡେଲ ଓ ତାଙ୍କର ବିଭିନ୍ନ ଫଟୋକୁ ଲୋକମାନେ ବେଶ ପସନ୍ଦ କରିଥାନ୍ତି । ତେବେ ସୋସିଆଲ ମିଡିଆରେ ସାରା ତେନ୍ଦୁଲକର ସବୁଠାରୁ ଲୋକପ୍ରିୟ ଷ୍ଟାର କିଡ଼ସ | ଇନଷ୍ଟାଗ୍ରାମରେ ତାଙ୍କର୧.୮ ମିଲିୟନରୁ ଅଧିକ ଫଲୋର୍ସ ଅଛନ୍ତି।
ଅନ୍ୟପଟେ କିଛିଦିନ ତଳେ ସାରା ଓ ସାହିଦ କପୁରଙ୍କୁ ନେଇ ଏକ ସିନେମା ତିଆରି ହେଉଥିବା କଥା ଚର୍ଚ୍ଚା ହେଉଥିଲା । ହେଲେ ଏହାକୁ ଖଣ୍ଡନ ସଚ୍ଚିନ କରି କହିଥିଲେ କି , ତାଙ୍କ ଝିଅ ଏବେ ପାଠପଢାରେ ମନୋନିବେଶ କରୁଛନ୍ତି ।
