ଅସମୟରେ ଚାଲିଗଲେ ଜଣେ ଯୁବ ଖେଳାଳି | ଜଣାଶୁଣା ଓ ଲୋକପ୍ରିୟ ଯୁବଖେଳାଳି ସଞ୍ଜୟ ବିଶ୍ୱାସଙ୍କ ହୋଇଛି ନିଧନ। ସଞ୍ଜୟଙ୍କ ବିୟୋଗରେ ମାଲକାନଗିରି ଜିଲ୍ଲା କୁଡୁମୁଲୁଗୁମ୍ମା ଅଞ୍ଚଳରେ ଖେଳିଯାଇଛି ଶୋକର ଛାୟା |
ରବିବାର ରାତିରେ ସଞ୍ଜୟଙ୍କ ଛାତିରେ ଯନ୍ତ୍ରଣା ହେବା ସହ ନିଶ୍ୱାସ ନେବାରେ କଷ୍ଟ ଅନୁଭବ ହେବାରୁ ତାଙ୍କୁ କୁଡୁମୁଲୁଗୁମ୍ମା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ର ଭର୍ତ୍ତି କରାଯାଇଥିଲା | ଡାକ୍ତରଙ୍କ ବହୁ ଚେଷ୍ଟା ସତ୍ତ୍ୱେ ଆଖି ବୁଝିଥିଲେ ସଞ୍ଜୟ । ଏହି ଖବର ଶୁଣିବା ପରେ ଗାଁର ଶହଶହ ଲୋକ ତାଙ୍କର ଶେଷ ଦର୍ଶନ କରିବା ସହ ସଞ୍ଜୟଙ୍କ ପାର୍ଥିବ ଶରୀରକୁ ଶ୍ରଦ୍ଧାଞ୍ଜଳି ଅର୍ପଣ କରିଛନ୍ତି । ଦିବ°ଗତ ସଞ୍ଜୟ ଜଣେ ମେଳାପୀ ଓ ଖେଳୁଆଡ ସ୍ୱଭାବର ବ୍ୟକ୍ତି ଥିଲେ | ଫୁଟବଲ, କ୍ରିକେଟ, ଭଲିବଲ , ବ୍ୟାଡମିଣ୍ଟନ ଆଦି ଖେଳରେ ବିଭିନ୍ନ ପଦକମାନ ଜିତି ଜିଲ୍ଲା ପାଇଁ ସୁନାମ ଆଣିଥିଲେ | ଫୁଟବଲ ଓ କ୍ରିକେଟ ମ୍ୟାଚଗୁଡିକ ମଧ୍ୟରେ ରେଫେରିସିପ୍ ମଧ୍ୟ କରିବାର ଅନେକ ନଜିର ରହିଛି । କୁଡୁମୁଲୁଗୁମ୍ମା ମିନି ଷ୍ଟାଡିୟମରେ, ମା ଭୈରବୀ ସ୍ପୋର୍ଟ୍ସ କ୍ଲବ” ର ସମସ୍ତ ସଦସ୍ୟ ଉପସ୍ଥିତ ରହି ୧ ମିନିଟ ଶୋକପ୍ରାର୍ଥନା କରିବା ସହ ସଞ୍ଜୟଙ୍କ ଅମର ଆତ୍ମାର ସଦଗତି କାମନା କରିଛନ୍ତି।
