ଦଶହରା ପୂର୍ବରୁ କଟକ ହେବ କ୍ରିମିନାଲ ଫ୍ରି

ଦଶହରା ପୂର୍ବରୁ କଟକରେ ଅପରାଧୀ ଦମନ ଆରମ୍ଭ କରିଛି କମିଶନରେଟ ପୋଲିସ । ଏହି କ୍ରମରେ ବାଦାମବାଡ଼ି ପୋଲିସ କବଜାରେ ୪ ଜଣ ପେଶାଦାର ଅପରାଧୀ ଧରାପଡିଛନ୍ତି। ସେମାନଙ୍କ ଠାରୁ ୩ ଟି ବନ୍ଧୁକ ସହ ୧୬ ଟି ଅଫୁଟା ଗୁଳି ଜବତ କରାଯାଇଛି।ସବୁଠୁ ବଡ କଥା ହେଉଛି ଗିରଫ ଅଭିଯୁକ୍ତ ମାନଙ୍କ ମଧ୍ୟରେ ରହିଛନ୍ତି ଆଲବମ ଅଭିନେତା ତଥା ନିର୍ଦ୍ଦେଶକ ପ୍ରମୋଦ ଓରଫ ଜିତୁ ରାଉତ। କଟକର ଅନ୍ୟତମ ପେଶାଦାର ଅପରାଧୀ ନବ ଓରଫ ଜ୍ଞାନ ସାହୁ ବନ୍ଧୁକ କାରବାର କରୁଥିବା ନେଇ ଏକ ନିର୍ଦ୍ଦିଷ୍ଟ ସୂତ୍ରରୁ ଖବର ପାଇ ପୋଲିସ ନବକୁ ଧରିଥିଲା। ନବ ଠାରୁ ସୂଚନା ପାଇ ଅନ୍ୟ ୩ ଅଭିଯୁକ୍ତଙ୍କ ବାବଦରେ ପୋଲିସ କୁ ସୂଚନା ମିଳିଥିଲା। ତେବେ ବନ୍ଧୁକ ବେପାରୀଙ୍କ ଠାରୁ ଜିତୁ ୪ ଟି ବନ୍ଧୁକ କିଣି ସେଗୁଡିକୁ ବିଭିନ୍ନ ଲୋକ ଙ୍କୁ ବିକ୍ରି କରିବା ଥିବା ନେଇ ପୋଲିସ ପାଖରେ ସୂଚନା ରହିଥିଲା। କିନ୍ତୁ ରେଡ଼ ସମୟରେ ଜିତୁ ପାଖରୁ ଗୋଟିଏ ବନ୍ଧୁକ ଜବତ କରାଯାଇଛି।ଅନ୍ୟ ଅଭିଯୁକ୍ତ କାହାକୁ ବନ୍ଧୁକ ଜିତୁ ବିକ୍ରି କରିଥିଲେ ତାହା ତଦନ୍ତ କରୁଛି ପୋଲିସ। ଜିତୁ ରାଉତ ପୁର୍ବରୂ ଆଲବମ୍ ଜଗତରେ ଜଣେ ଜଣାଶୁଣା ନିର୍ଦ୍ଦେଶକ ତଥା ଅଭିନେତା ଥିଲେ। ବହୁ ଆଲବମ୍ କରି ସୁନାମ ଆଣିଥିଲେ। କୋଭିଡ୍ ଆରମ୍ଭ ରୁ ହିଁ ସବୁ କିଛି ଠପ୍ ହୋଇଯାଇଥିଲା। ହେଲେ ନିଜକୁ ବଞ୍ଚିବା ପାଇଁ କଲ୍ୟାଣୀନଗର ନିକଟରେ ଏକ ଚିକେନ୍ କାଉଣ୍ଟର୍ ଖୋଲି ନିଜର ଗୁଜୁରାଣ କରୁଥିଲେ।