ସାଉଥ୍ ଫିଲ୍ମ ‘ଆଚାର୍ଯ୍ୟ’ ରିଲିଜ୍ ହୋଇସାରିଛି । ସାଉଥ୍ ଫିଲ୍ମର ସୁପରଷ୍ଟାର୍ ‘ଚିରଞ୍ଜୀବୀ’ ଏବଂ ‘ରାମ ଚରଣ’ଙ୍କ ଏହି ଫିଲ୍ମ ଏବେ ବେଶ ଧମାକା ମଚାଇଛି | ଏବେ ସାଉଥରରେ ଧମାଲ କରୁଛନ୍ତି ବାପ-ପୁଅ ଯୋଡି । ଆରଆରଆର ପରେ ଏବେ ଆଚାର୍ଯ୍ୟରେ ବି ଦମଦାର ପ୍ରଦର୍ଶନ କରିଛନ୍ତି ରାମ ଚରଣ । ଏହି ଚଳଚ୍ଚିତ୍ରଟି ଦର୍ଶକଙ୍କୁ ବେଶ ପସନ୍ଦ ଆସିଛି |
ଚିରଞ୍ଜୀବୀ ଓ ରାମ ଚରଣଙ୍କ ସହ ସୋନୁ ସୁଦଙ୍କ ଅଭିନୟ ମଧ୍ୟ ବେଶ ମନଛୁଆଁ ହୋଇଛି । ଏହି ଫିଲ୍ମ ପ୍ରଥମ ଦିନରେ ୫୧.୦୭ କୋଟି ବ୍ୟବସାୟ କରିଥିଲା | ଦ୍ୱିତୀୟ ଦିନରେ ଫିଲ୍ମ ୧୨.୪୩ କୋଟି ରୋଜଗାର କରିଥିଲା | ଏହି ଫିଲ୍ମ ଏବେ ମୋଟ ୬୩.୫୦ କୋଟି ରୋଜଗାର କରି ସାରିଲାଣି । ଆକ୍ସନ୍-ଡ୍ରାମାରେ ଭରପୂର ରହିଥିବା ଏହି ଫିଲ୍ମରେ ସବୁଠାରୁ ଖାସ୍ ହୋଇଛି ବାପା-ପୁଅଙ୍କ ଯୋଡି । ରାମଚରଣ ନିଜ ପିତା ଚୀରଞ୍ଚିବୀଙ୍କ ସହ ସେୟାର କରିଛନ୍ତି ସ୍କ୍ରିନ୍ । ଫିଲ୍ମରେ ଅଭିନେତ୍ରୀ ପୂଜା ହେଗଡେ ରାମ ଚରଣଙ୍କ ବିପକ୍ଷରେ ମୁଖ୍ୟ ଭୂମିକାରେ ରହିଛନ୍ତି ।
