<h3>ବଲାଙ୍ଗୀର ଜିଲ୍ଲା କଣ୍ଟାବାଞ୍ଜି ରେଲୱେ ଷ୍ଟେସନରେ ମାଲ ଗାଡି ବଗି ଲାଇନଚ୍ୟୁତ। ଯାହା ଫଳରେ ରେଳଯାତ୍ରା ବାଧାପ୍ରାପ୍ତ ହୋଇପଡିଛି | ସୂଚନା ଅନୁସାରେ, ଗତକାଲି ବିଳମ୍ବିତ ରାତିରେ ଏକ ମାଲବାହି ଟ୍ରେନ ରାୟପୁର ପଟୁ ଆସୁଥିଲା। କୌଣସି କାରଣରୁ ଟ୍ରେନର ୪ଟି ବଗି ଲାଇନଚ୍ୟୁତ ହୋଇଛି । ମାଲ ବୋଝେଇ ଟ୍ରେନରେ ଚାଉଳ ବୋଝେଇ ହୋଇଥିବା ଜଣାପଡିଛି | ବର୍ତ୍ତମାନ ଉଦ୍ଧାର କାର୍ୟ୍ୟ ଜାରି ଅଛି | ଏଥିରେ କୌଣସି ଲୋକଙ୍କ କ୍ଷତି ହୋଇନାହିଁ। ଚାଉଳ ବୋଝେଇ ଯାଉଥିବାରୁ ବିପୁଳ ପରିମାଣରେ ଚାଉଳ ନଷ୍ଟ ହୋଇଛି। ଯୁଦ୍ଧ କାଳୀନ ଭିତ୍ତିରେ ଚାଲିଛି ଟ୍ରାକ କାମ, କ୍ରେନ୍ ସାହାଯ୍ୟରେ ବଗିକୁ ପୁନଃ ଲାଇନରେ ଅବସ୍ଥାପିତ କରାଯାଉଛି। ଦୁଇଟି ଏକ୍ସପ୍ରେସ ଟ୍ରେନ ବାତିଲ ହୋଇଥିବା ସୂଚନା ରହିଛି। ଘଟଣାସ୍ଥଳରେ ସମ୍ବଲପୁର ଡି.ଆର୍.ଏମ୍ ଙ୍କ ସହ ବରିଷ୍ଟ କର୍ମଚାରୀ ଉପସ୍ଥିତ ଅଛନ୍ତି।</h3>
