ଗହିର ବିଲରୁ ନରକଙ୍କାଳ ଉଦ୍ଧାର। ଜଗତସିଂହପୁର ଜିଲ୍ଲା ତିର୍ତ୍ତୋଲ ଥାନା ଅନ୍ତର୍ଗତ ପୋତାନଇ ପଞ୍ଚାୟତ ବାଇଲୋ ଗ୍ରାମର ଗହିର ବିଲ ମଧ୍ୟରୁ ଦେଖିବାକୁ ମିଳିଛି ଏମିତି ଦୃଶ୍ୟ। ଆଜି ସକାଳୁ ଗହିର ବିଲରେ ଜଣେ ମହିଳା ଘାସ କାଟୁଥିବା ସମୟରେ ଗୋଟେ ନରକଙ୍କାଳ୍ ପଡ଼ିଥିବା ଦେଖିବାକୁ ପାଇଥିଲେ। ପରେ ପାଖ ବିଲରେ ଧାନ କାଟୁଥିବା କିଛି ଲୋକଙ୍କୁ ଡାକିବା ସହ ସ୍ଥାନୀୟ ତିର୍ତୋଲ ଥାନା କୁ ଖବର ଦିଆ ଯାଇଥିଲା।ତେବେ ଦୀର୍ଘ ସମୟ ବିତି ଯାଇଥିଲେ ମଧ୍ୟ ପୋଲିସ ପହଞ୍ଚି ନଥିଲା ବେଳେ ଘଟଣା ସ୍ଥଳେ ଲୋକଙ୍କ ଭିଡ଼ ଦେଖିବାକୁ ମିଳିଥିଲା। ତେବେ ସ୍ଥାନୀୟ ଲୋକଙ୍କ କହିବା କଥା ସ୍ଥାନୀୟ ଚନ୍ଦାପାଟ ଗାଁର ଭାଟ ସାହି ପଡ଼ାର ସନାତନ ମଲ୍ଲିକ ଯାହାଙ୍କ ବୟସ ପାଖାପାଖି ୫୫ ବର୍ଷ ହେବ ଦୀର୍ଘ ୪ ମାସ ତଳୁ ନିଖୋଜ ଅଛନ୍ତି ଯାହାଙ୍କ ଏ ପର୍ଯ୍ୟନ୍ତ କୌଣସି ଖୋଜଖବର ମିଳୁନାହିଁ। ତେଣୁ ଆଜିର ଏହି ନର ଟି ନିଖୋଜ ସନାତନ ଙ୍କ ହୋଇପାରେ ବୋଲି ପ୍ରତିକ୍ରିୟା ସ୍ଥାନୀୟ ବାସିନ୍ଦା ମାନେ ମତ ଦେଇଛନ୍ତି। ଏହି ନର କଙ୍କାଳ ର ସ୍ଥିତି କୁ ଦେଖିଲା ପରେ କୌଣଷି ବ୍ୟକ୍ତି ହତ୍ୟା କରିପକାଇ ଦେଇଥିବା ସ୍ଥାନୀୟ ଲୋକମାନେ ସନ୍ଦେହ କରୁଛନ୍ତି।ତେବେ ଲୋକଙ୍କ ସନ୍ଦେହ କେତେଦୂର ଶତ କି ମିଛ ତାହା ପୋଲିସ ର ତଦନ୍ତ ପରେ ହିଁ ଜଣାପଡ଼ିବ। ।
