କ୍ଷତିପୂରଣ ଦାବିରେ ଭବାନିପାଟଣା କଲେଜ ଛକ ନିକଟରେ ଶବ ରଖି ରାସ୍ତା ଅବରୋଧ

କଳାହାଣ୍ଡି ଜିଲ୍ଲା ଭବାନିପାଟଣା ସହରର ୨୬ ନମ୍ବର ଜାତୀୟ ରାଜପଥ ପିପଲ ନାଲା ନିକଟରେ ଶବ ରଖି କ୍ଷତିପୂରଣ ଦାବି କରି ମୃତକଙ୍କ ପରିବାର ଓ ଗ୍ରାମବାସୀ ମିଶି ରାସ୍ତା ଅବରୋଧ କରିଛନ୍ତି । ପ୍ରକାଶ ଯେ ଗତକାଲି ଅପରାହ୍ନ ରେ ଭବାନିପାଟଣା ସହର ରାମନଗରପଡାର ସତ୍ୟ ବନଛୋର ନାମକ ଜଣେ ବ୍ୟକ୍ତି ଶ୍ରମିକମାନଙ୍କୁ ଖାଦ୍ୟ ଦେଇ ଘରକୁ ଫେରିବା ବେଳେ ମେଡିକାଲ ନିକଟରେ ଏକ କାର ଧକ୍କା ଦେଇଥିଲା । ଧକ୍କା ଦେବା ଫଳରେ ଘଟଣାସ୍ଥଳରେ ବ୍ୟକ୍ତି ଜଣକ ଗୁରୁତର ହୋଇପଡିଥିଲେ ପ୍ରଥମେ ଭବାନିପାଟଣା ମେଡିକାଲରେ ଚିକିତ୍ସା କରିବା ପରେ ତାଙ୍କୁ ବୁର୍ଲାକୁ ସ୍ଥାନାନ୍ତର କରାଯାଇଥିଲା ହେଲେ ଆଜି ବୁର୍ଲାରେ ଗୁରୁତର ବ୍ୟକ୍ତିଙ୍କ ଚିକିତ୍ସାଧିନ ଅବସ୍ଥାରେ ମୃତ୍ୟୁ ଘଟିଛି । ତେବେ ଆଜି ଭବାନିପାଟଣା କଲେଜ ଛକ ପିପଲ ନାଲା ନିକଟରେ ଶବ ରଖି ରାସ୍ତା ଅବରୋଧ କରିବା ସହ କ୍ଷତିପୂରଣ ଦାବି କରି ମୃତକଙ୍କ ପରିବାର ଓ ଗ୍ରାମବାସୀ ମିଶି ରାସ୍ତା ଅବରୋଧ କରିଛନ୍ତି | ଘଟଣାସ୍ଥଳରେ ପୋଲିସ ପହଞ୍ଚି ଲୋକଙ୍କୁ ବୁଝାସୁଝା ଜାରି ରଖିଛି ।