ଜଗତସିଂହପୁରରେ ବିଜେପିର ବିଜୟ ସଂକଳ୍ପ ସମାବେଶ ଓ ମିଶ୍ରଣ ପର୍ବ ଅନୁଷ୍ଠିତ

ମିଳୁଛି ସମର୍ଥନ, ବଢୁଛି ଲୋକ ପ୍ରିୟତା। ଦିନକୁ ଦିନ ସଶକ୍ତ ହେଉଛି ବିଜେପି। ଜଗତସିଂହପୁର ଜିଲ୍ଲା କୁଜଙ୍ଗ ବ୍ଲକ ବଳରାମପୁର ଗ୍ରାମରେ ବିଜେପି ପକ୍ଷରୁ ବିଜୟ ସଂକଳ୍ପ ସମାବେଶ ଓ ମିଶ୍ରଣ ପର୍ବ ଅନୁଷ୍ଠିତ ହୋଇଯାଇଛି। ଏହି କାର୍ଯ୍ୟକ୍ରମଟି କୁଜଙ୍ଗ ମହାବିଦ୍ୟାଳୟର ପୂର୍ବତନ ଛାତ୍ର ସଭାପତି ତଥା ସମାଜସେବୀ ସଞ୍ଜୀବ ବେହେରାଙ୍କ ନେତୃତ୍ୱରେ ହୋଇଥିବା ବେଳେ ଶତାଧିକ ସଂଖ୍ୟାରେ ବିଜେଡ଼ି କର୍ମୀମାନେ ସାମିଲ ହୋଇଥିଲେ।

ତେବେ ଦୀର୍ଘବର୍ଷ ଧରି ପାରାଦ୍ଵୀପ ନିର୍ବାଚନ ମଣ୍ଡଳୀରେ ସ୍ୱର୍ଗତ ଡ଼ା ଦାମୋଦର ରାଉତଙ୍କ ପରିବାର ନେତୃତ୍ୱ ନେଇଆସୁଥିବା ବେଳେ ପାରାଦ୍ଵୀପ ନିର୍ବାଚନ ମଣ୍ଡଳୀବାସୀ ମୌଳିକ ସୁବିଧାରୁ ବଞ୍ଚିତ ଥିବା ବେଳେ ଲୋକେ ଅସନ୍ତୁଷ୍ଟ ହୋଇ ପରିବାର ବାଦ ରାଜନୀତିକୁ ବିରୋଧ କରିବା ସହ ପାରାଦ୍ଵୀପ ନିର୍ବାଚନ ମଣ୍ଡଳୀରେ ଏଥର ନେତୃତ୍ଵ ପରିବର୍ତ୍ତନ କରିବା ପାଇଁ ବିଜେପି ବିଧାୟକ ପାର୍ଥୀ ସମ୍ପଦ ସ୍ବାଇଁଙ୍କୁ ସମର୍ଥନ ଜଣାଇ ହଜାର ହଜାର ସଂଖ୍ୟାରେ ପୁରୁଷ,ମହିଳା ଓ ଯୁବ ଛାତ୍ରମାନେ ଏକତ୍ରିତ ହୋଇଥିଲେ।ମାତ୍ର ଏହି ବିଜୟ ସଂକଳ୍ପ ସମାବେଶ ଓ ମିଶ୍ରଣ ପର୍ବରେ ଶତାଧିକ ସଂଖ୍ୟାରେ ମହିଳା ଓ ପୁରୁଷମାନେ ବିଜେଡ଼ି ଛାଡି ବିଧିବଦ୍ଧ ଭାବେ ସାମିଲ ହୋଇ ପାରାଦ୍ଵୀପ ନିର୍ବାଚନ ମଣ୍ଡଳୀରେ ଏଥର ପରିବର୍ତ୍ତନ ସୁନିଶ୍ଚିତ ହେବ ବୋଲି ଏହି ବିଜୟ ସଂକଳ୍ପ ସମାବେଶ ଓ ମିଶ୍ରଣ ପର୍ବରେ କୁହାଯାଇଛି।