ବିଧାୟକଙ୍କ ଗାଡ଼ିକୁ ଆକ୍ରମଣର ପ୍ରତିବାଦ | ଏହାକୁ ବିରୋଧ କରି ରାସ୍ତା ଉପରେ ବସିଲା ବିଜେପି | ଲୋଇସିଂହା ବିଧାୟକଙ୍କ ଡ. ମୁକେଶ ମହାଲିଙ୍ଗଙ୍କ ଗାଡିକୁ ଆକ୍ରମଣ ଘଟଣାର ଦୁଇଦିନ ବିତି ଯାଇଥିଲେ ବି ଆକ୍ରମଣକାରୀଙ୍କ ପତ୍ତା ମିଳିନି | ପୋଲିସ ହାତ ଖାଲି | ପୋଲିସ ତଦନ୍ତ ଆଗକୁ ବଢ଼ୁନି | ଏହାର ପ୍ରତିବାଦରେ ଲୋଇସିଂହା ଥାନା ନିକଟରେ ଜାତୀୟ ରାଜପଥ ଅବରୋଧ କରିଛନ୍ତି ବିଜେପି କର୍ମୀ | ଏନ.ଏଚ ୨୬ କୁ ଅବରୋଧ କରାଯିବାରୁ ଗାଡି ଚଳାଚଳ ବନ୍ଦ ରହିଛି | ରାସ୍ତାର ଦୁଇ ପାର୍ଶ୍ୱରେ ଲମ୍ବା ଲାଇନରେ ଗାଡି ଅଟକି ରହିଛି | ପ୍ରବଳ ଖରାରେ ଯାତ୍ରୀମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଥିବା ଦେଖିବାକୁ ମିଳିଛି |
ସୂଚନା ଥାଉକି, ବଲାଙ୍ଗୀର ଜିଲ୍ଲା ଲୋଇସିଂହା ବିଧାୟକଙ୍କ ଡ. ମୁକେଶ ମହାଲିଙ୍ଗଙ୍କ ଗାଡିକୁ ବୁର୍ଡାଛକ ନିକଟରେ ଦୁଇ ଜଣ ଦୁବୃର୍ତ୍ତ ଆକ୍ରମଣ କରିଥିଲେ | ଏଥିରେ ବିଧାୟକଙ୍କ ସୁରକ୍ଷା କର୍ମୀ ଶଙ୍କର ବରିହା ଓ ଡ୍ରାଇଭର ଦେବରାଜ ନାଗ ଆହତ ହୋଇଛନ୍ତି |
