ଆଜି ପ୍ରକାଶ ପାଇଛି ପୌର ନିର୍ବାଚନ ଫଳାଫଳ । ମାଲକାନଗିରି ମ୍ୟୁନିସିପାଲଟିକୁ ବିଜେଡି ହାତେଇଥିବାରେ ହୋଇଛି ସଫଳ | ତେବେ ବାଲିମେଳା ଏନଏସି ଚାଲିଯାଇଛି ବିଜେପି କବଜାକୁ | ମାଲକାନଗିରି ପୌର ପରିଷଦ ଅଧକ୍ଷ ଭାବରେ ବିଜୁ ଜନତା ଦଳ ପ୍ରାର୍ଥୀ ମନୋଜ କୁମାର ବାରିକ ଓରଫ ଭାନୁ ଭାଇ ବିଜୟୀ ହୋଇଛନ୍ତି | ମାଲକାନଗିରି ପୌର ପରିଷଦର ମୋଟ ୧୯ ଟି ୱାର୍ଡରୁ ୧୪ଟି ୱାର୍ଡରେ ବିଜେଡି ପ୍ରାର୍ଥୀ ବିଜୟ ଲାଭ କରିଛନ୍ତି | ୫ ଟି ୱାର୍ଡରେ କଂଗ୍ରେସ ପ୍ରାର୍ଥୀ ବିଜୟୀ ହୋଇଥିବା ବେଳେ ବିଜେପି ଆଦୌ ଖାତା ଖୋଲିପାରିନାହିଁ |
ସେହିପରି ବାଲିମେଳା ଏନଏସିରେ ବିଜେପି ପ୍ରାର୍ଥୀ ପ୍ରଦୀପ କୁମାର ନାୟକ ଅଧ୍ୟକ୍ଷ ପଦକୁ ଅକ୍ତିଆର କରିବାରେ ସଫଳ ହୋଇଛନ୍ତି | ୪ ଜଣ ବିଜେପି କାଉନସିଲର ପ୍ରାର୍ଥୀ ବିଜୟୀ ହୋଇଛନ୍ତି । ତେବେ ଜିଲ୍ଲାର ବିକାଶ ଦିଗରେ କାର୍ଯ୍ୟ କରିବେ ବୋଲି ବିଜେତା ଦୁଇ ଅଧକ୍ଷ ପ୍ରାର୍ଥୀ ପ୍ରକାଶ କରିଛନ୍ତି ।
