ବିମାନରେ ପିଟି ହେଲା ପକ୍ଷୀ, ଅଳ୍ପକେ ବର୍ତ୍ତିଲେ ୧୬୦ ଯାତ୍ରୀ

ଏନଏନଏସ୍: ଦୁବାଇ ଅଭିମୁଖେ ଯାତ୍ରା କରୁଥିବା ବିମାନରେ ପକ୍ଷୀ ମାଡ ହେବା ପରେ ତୁରନ୍ତ ଅବତରଣ କରାଯାଇଛି । ସୂଚନାଯୋଗ୍ୟ ଏକ ଇଣ୍ଡିଗୋ ବିମାନ ଆଜି ମାଙ୍ଗାଲୁରୁ ଅନ୍ତର୍ଜାତୀୟ ବିମାନ ବନ୍ଦରରେ ପକ୍ଷୀ ସହ ମାଡ଼ ହୋଇଥିଲା। ଫଳରେ ବିମାନରେ ପକ୍ଷୀ ମାଡ଼ ହେବାପରେ ପାଇଲଟ୍ ତୁରନ୍ତ ଏୟାର ଟ୍ରାଫିକ କଣ୍ଟ୍ରୋଲକୁ ସୂଚନା ଦେବା ସହ ବିମାନ ଉଡ଼ାଣ ବାତିଲ୍ କରିଥିଲେ । ଏହାପରେ ବିମାନରେ ଥିବା ସମସ୍ତ ୧୬୦ ଯାତ୍ରୀଙ୍କୁ ବିମାନରୁ ଓହ୍ଲାଇ ଦିଆଯାଇଥିଲା। ଆଜି ସକାଳ ୮.୩୦ ସମୟରେ ଏହି ଘଟଣା ଘଟିଥିଲା। ପରେ ଅନ୍ୟ ଏକ ବିମାନରେ ଯାତ୍ରୀମାନଙ୍କୁ ଦୁବାଇ ପଠାଯାଇଛି ।