ହୁସିଆର ! ମାତିଛନ୍ତି ବାଇକ୍ ଲୁଟେରା !!! ତେବେ ଜଣେ ଲୁଟେରା ବାଇକ ଚୋରି କରିବା ସମୟରେ ଲୋକଙ୍କ ହାବୁଡ଼ରେ ପଡିଯାଇଥିଲେ | ସ୍ଥାନୀୟ ଲୋକେ ଲୁଟେରାକୁ ଏକ ଇଲେକ୍ଟ୍ରିଖୁଣ୍ଟରେ ବାନ୍ଧି ନିର୍ଦ୍ଧୁମ ଛେଚିଲେ | ନିର୍ଘାତିଆ ମାଡ ଦେବା ପରେ ପୋଲିସର ଜିମା ଦେଇଥିଲେ | ଏଭଳି ଘଟଣା ଦେଖିବାକୁ ମିଳିଛି କେନ୍ଦ୍ରାପଡା ସହରରେ |
କେନ୍ଦ୍ରାପଡା ସହରର ମୁଖ୍ୟ ରାସ୍ତାରେ ଜଣେ ଯୁବକ ହାତରେ ପେନ୍ଥାଏ ବାଇକ୍ ଲକ ଚାବି ଧରି ବୁଲୁଥିଲେ | ପରେ ଅନ୍ନପୂର୍ଣ୍ଣା ଛକ ନିକଟରେ ବାଇକ୍ ଲୁଟ୍ ଉଦ୍ୟମ କରୁଥିବା ବେଳେ ଜଣେ ଦୋକାନୀଙ୍କ ହାବୁଡରେ ପଡିଯାଇଥିଲା | ଦୋକାନୀ ଜଣକ ଚୋର ଚୋର କହି ପାଟି କରିବାରୁ ବହୁତ ଲୋକ ରୁଣ୍ଡ ହୋଇଯାଇଥିଲେ | ଲୋକେ ଲୁଟେରାକୁ ଭଲ କରି ଉତ୍ତମ ମଧ୍ୟମ ଦେଇ ରାସ୍ତାକଡ ଇଲେକ୍ଟ୍ରି ଖୁଣ୍ଟରେ ବାନ୍ଧି ପୋଲିସକୁ ଖବର ଦେଇଥିଲେ । ଲୁଟେରା ଜଣକ କେନ୍ଦ୍ରାପଡା ସହରର କ୍ୟୁରେସିମହଲା ଗାଁର ସେକ୍ ରଇମୁଦ୍ଦିନ ବୋଲି ଜଣାପଡିଛି। ଯୁବକଙ୍କ ସହିତ ଅନ୍ୟ ସହଯୋଗୀ ଲୁଟେରା ମଧ୍ୟ ଛାନିଆରେ ସେଠାରୁ ଖସି ପଳାଇ ଥିବା ସନ୍ଦେହ କରାଯାଉଛି । ତାଙ୍କ ଗ୍ୟାଙ୍ଗରେ ଆଉ କିଏ ସବୁ ଅଛନ୍ତି ସେ ନେଇ କେନ୍ଦ୍ରାପଡା ଟାଉନ ଥାନା ପୋଲିସ ଯୁବକଙ୍କୁ ଥାନାକୁ ନେଇ ପଚରାଉଚରା କରୁଛି ।
