ବିହାର ଜେଡିୟୁ ବିଧାୟକ ଗୋପାଳ ମଣ୍ଡଳ ଅନେକ ସମୟରେ ଚର୍ଚ୍ଚାରେ ରହିଥାନ୍ତି। ଏବେ ପୁଣି ଥରେ ସେ ଚର୍ଚ୍ଚାକୁ ଆସିଛନ୍ତି | ଏଥର ଗୋପାଳ ମଣ୍ଡଳ ତାଙ୍କର କୌଣସି ବିବାଦୀୟ ମନ୍ତବ୍ୟକୁ ନେଇ ନୁହେଁ ବରଂ ତାଙ୍କ ଦମଦାର ନାଚକୁ ସେ ଚର୍ଚ୍ଚାକୁ ଆସିଛନ୍ତି | ବିଧାୟକ ଗୋପାଳ ମଣ୍ଡଳ ଏକ ବିବାହ କାର୍ଯ୍ୟରେ ବଲିଉଡ ଗୀତରେ ଧୁମ ନାଚୁଥିବା ଦେଖିବାକୁ ମିଳିଛି | ତାଙ୍କର ଏହି ଭିଡିଓ ଏବେ ବେଶ ଭାଇରାଲ ହେବାରେ ଲାଗିଛି |
ବିଧାୟକ ଗୋପାଳ ମଣ୍ଡଳ ଏକ ବିବାହ ଉତ୍ସବରେ ଗାୟିକା ନେହା କକ୍କରଙ୍କ ବଲିଉଡର ପ୍ରସିଦ୍ଧ ଗୀତ ‘ଅବ ତୋ ହୋଶ ନା ଖବର ହୈ, ତୁଝସେ ମିଲନେ କେ ବାଦ ଦିଲବର୍’ ରେ ନାଚୁଥିବାର ନଜର ଆସିଛନ୍ତି | ମଣ୍ଡଳ ଧଳା କୁର୍ତ୍ତା-ପାଇଜାମା ପିନ୍ଧିବା ସହ ମୁଣ୍ଡରେ ପଗଡ଼ି ବାନ୍ଧିଛନ୍ତି | ତେଣୁ ଏଥିରୁ ସ୍ପଷ୍ଟ ହୋଇଛି ଯେ ଜଣେ ନିକଟ ସମ୍ପର୍କୀୟଙ୍କ ବିବାହ ଉତ୍ସବରେ ସେ ଖୁବ ମଜା ନେଉଛନ୍ତି | ଗୋପାଳ ମଣ୍ଡଳ ବିହାର ଭାଗଲପୁର ଜିଲ୍ଲାର ନଵଗଛିଆ ବିଧାନସଭା ଆସନର ବିଧାୟକ। ତେବେ ଏହା ପୂର୍ବରୁ ମଧ୍ୟ ଗୋପାଳ ମଣ୍ଡଳଙ୍କ ଭିଡିଓ ଭାଇରାଲ ହୋଇଛି। ଟ୍ରେନରେ ହାଫପ୍ୟାଣ୍ଟରେ ଥିବା ଗୋପାଳ ମଣ୍ଡଳଙ୍କ ଭିଡିଓକୁ ନେଇ ମଧ୍ୟ ବହୁତ ଚର୍ଚ୍ଚା ହୋଇଥିଲା।
