କରୋନା ଟିକାକରଣର ଅଦ୍ଭୁତ ସଫଳତା

ଗତ ୨୧ ତାରିଖ ଦିନ ୧୮ ବର୍ଷରୁ ଉର୍ଦ୍ଧ୍ୱ ସମସ୍ତ ଜନସାଧାରଣଙ୍କୁ ମାଗଣା ଟୀକା କରଣର ସଫଳତା ଆକାଶ ଛୁଇଁଛି । କେନ୍ଦ୍ରସରକାରଙ୍କର ନୂଆ ଟୀକାକରଣ ନୀତି ଅନୂଯାୟୀ ରାଜ୍ୟରେ ଦୈନିକ ୩ ଲକ୍ଷ ଟୀକାକରଣ କରାଯିବ । ରାଜ୍ୟ ସ୍ୱାସ୍ଥ୍ୟ ବିଭାଗର ଅତିରିକ୍ତ ମୁଖ୍ୟ ସଚିବ ପି.କେ ମହାପାତ୍ରଙ୍କ ନିର୍ଦ୍ଦେଶ ଅନୁଯାୟୀ ପ୍ରତ୍ୟେକ ବ୍ଲକ ଏବଂ ଏନଏସିରେ ୫ଟି ସେସନ୍‌, ପୌରପରିଷଦରେ ୧୦ ଟି ସେସନ୍ ଏବଂ ମହାନଗର ନିଗମରେ ୨୦ଟି ସେସନ୍‌ରେ ଟୀକାକରଣ କରାଯିବ । ଯାହା ଦ୍ୱାରା ପ୍ରତିଦିନ ୩୦୦,୦୦୦ ଡୋଜର ଲକ୍ଷ୍ୟ ହାସଲ ହୋଇପାରିବ । ଟୀକାକରଣର ସଂଖ୍ୟା ବଢାଇବା ପାଇଁ ରାଜ୍ୟରେ ଆଉ ୨୦୦୦ ନୂତନ ଟୀକାକରଣ କେନ୍ଦ୍ର ଖୋଲାଯିବା ଉପରେ ନିଷ୍ପତ୍ତି ନିଆଯାଇଛି ।