ଭୁବନେଶ୍ୱର(ଏନଏନଏସ୍): ପ୍ରଦୀପ ପ୍ରଜ୍ୱଳନ ବେଳେ ଚାଲିଗଲା ନୃତ୍ୟଶିଳ୍ପୀଙ୍କ ଜୀବନ । ଦର୍ଶକଙ୍କ ସମ୍ମୁଖଷର ମଞ୍ଚ ଉପରେ ଟଳି ପଡିଲେ ନୃତ୍ୟଗୁରୁ । ଏଭଳି ଘଟଣା ଦେଖିବାକୁ ମିଳିଛି ଭୁବନେଶ୍ୱର ଭଞ୍ଜକଳା ମଣ୍ଡପରେ ଆୟୋଜିତ ଶ୍ରୀ ଜୟଦେବ ରାଷ୍ଟ୍ରୀୟ ସମାରୋହ ଓ ନବୀନ କଳାକାର ସାଂସ୍କୃତିକ କାର୍ୟ୍ୟକ୍ରମରେ ।
ରାଷ୍ଟ୍ରୀୟ ଜୟଦେବ ସମାରୋହରେ ନୃତ୍ୟ ପରିବେଷଣ ସହ ଶ୍ରୀ ଜୟଦେବ ଅନ୍ତର୍ଜାତୀୟ ପୁରସ୍କାର ଗ୍ରହଣ କରିବାକୁ ସୁଦୂର ମାଲେସିଆରୁ ଆସି ଭୁବନେଶ୍ୱରରେ ପହଞ୍ଚିଥିଲେ ଭରତନାଟ୍ୟମ୍ ନୃତ୍ୟଗୁରୁ ଶ୍ରୀଗଣେଶନ୍। ଗତକାଲି ସଂଧ୍ୟାରେ ଅତିଥିମାନଙ୍କ ଗହଣରେ ପ୍ରଦୀପ ପ୍ରଜ୍ଜ୍ୱଳନ କରିବା ପରେ ଶ୍ରୀ ଜୟଦେବ ଅନ୍ତର୍ଜାତୀୟ ପୁରସ୍କାର ଗ୍ରହଣ କରିଥାନ୍ତେ ଶ୍ରୀଗଣେଶନ୍। କିନ୍ତୁ କିଏ ଜାଣିଛି ମୃତୁ୍ୟ ଏମିତି ବି ଆସେ । ଦୀପ ଲଗାଇସାରି ମଞ୍ଚର ମଝି ଭାଗକୁ ଆସୁଥିବା ବେଳେ ହଠାତ୍ ଛାତିରେ ଯନ୍ତ୍ରଣା ଅନୁଭବ କରିବାରୁ ମଞ୍ଚ ଉପରେ ଟଳି ପଡିଥିଲେ । ଏହାପରେ ତାଙ୍କୁ ସଙ୍ଗେ ସଙ୍ଗେ କ୍ୟାପିଟାଲ ହସ୍ପିଟାଲକୁ ନିଆଯାଇଥିଲା । କିନ୍ତୁ ଡାକ୍ତର ତାଙ୍କୁ ସେଠାରେ ମୃତ ଘୋଷଣା କରିଥିଲେ । ଏଭଳି ଦୁଃଖଦ ଘଟଣାରେ ନୃତ୍ୟ ଜଗତରେ ଶୋକର ଛାୟା ଖେଳିଯାଇଛି ।
