ବର୍ତ୍ତମାନ ଚାଲିଛି ପବିତ୍ର ଶ୍ରାବଣ ମାସ। ଏହି ମାସ ଭଗବାନ ଶିବଙ୍କ ପ୍ରିୟ ମାସ ବୋଲି କୁହାଯାଏ। ଶିବ ଭକ୍ତମାନେ ବିଭିନ୍ନ ଶିବ ମନ୍ଦିରରେ ମହାଦେବଙ୍କୁ ପୂଜା କରିବା ସହ ଚାରିଆଡେ ବାବା ଭୋଳାନାଥଙ୍କ ନାଁ ଶୁଣିବାକୁ ମିଳୁଛି । ଏହି ସମୟରେ ଏକ ବଲିଉଡ ଫିଲ୍ମ ମଧ୍ୟ ଖୁବ୍ ଚର୍ଚ୍ଚାରେ ରହିଛି।
ଏହି ଫିଲ୍ମର ନାଁ ହେଉଛି ‘ଓ ମାଇ ଗଡ୍ ୨’। ଏହି ଫିଲ୍ମରେ ମୁଖ୍ୟ ଭୂମିକାରେ ନଜର ଆସିବେ ଅକ୍ଷୟ କୁମାର। ଯାହାର ଟିଜର୍ ଖୁବ୍ ଶୀଘ୍ର ରିଲିଜ୍ ହେବାକୁ ଯାଉଛି। କିନ୍ତୁ ଟିଜର୍ ରିଲିଜ୍ ହେବା ପୂର୍ବରୁ ଅଭିନେତା ଅକ୍ଷୟ କୁମାରଙ୍କ ନୂଆ ଲୁକ୍ ସାମ୍ନାକୁ ଆସିଛି। ଅକ୍ଷୟ କୁମାର ତାଙ୍କ ଅଫିସିଆଲ ଇନଷ୍ଟାଗ୍ରାମ ଆକାଉଣ୍ଟରୁ ମଧ୍ୟ ଏହି ନୂଆ ଲୁକ୍ ର ଏକ ଭିଡିଓ ଶେୟାର କରିଛନ୍ତି। ଏଥିରେ ତାଙ୍କୁ ଭଗବାନ ଶିବ ରୂପେ ଦେଖିବାକୁ ମିଳିଛି। ନୂଆ ଲୁକ୍ ରେ ଅକ୍ଷୟ କୁମାର ମଥାରେ ପାଉଁଶ, ବେକରେ ରୁଦ୍ରାକ୍ଷ ମାଳା ପିନ୍ଧି ଜଟାଧାରୀ ବେଶରେ ନଜର ଆସିଛନ୍ତି। ତାଙ୍କର ଲୁକ୍ ଏତେ ଜବରଦସ୍ତ ହୋଇଛି ଯେ ଲୋକେ ତାଙ୍କୁ ପ୍ରଶଂସା କରିବାରେ ଲାଗିଛନ୍ତି।
https://www.instagram.com/reel/Cudzylgrwd-/?utm_source=ig_web_copy_link
ଅକ୍ଷୟ କୁମାର ମଧ୍ୟ ଏହାର ଏକ ଭିଡିଓ ଶେୟାର କରି ଟିଜର ରିଲିଜ୍ ତାରିଖ ଘୋଷଣା କରିଛନ୍ତି। ଜୁଲାଇ ୧୧ ରେ ଫିଲ୍ମର ଟିଜର ରିଲିଜ ହେବ ବୋଲି ସେ କହିଛନ୍ତି। ଅକ୍ଷୟ କୁମାରଙ୍କ ଏହି ଫିଲ୍ମ ଅଗଷ୍ଟ ୧୧ରେ ପ୍ରେକ୍ଷାଳୟକୁ ଆସିବ ବୋଲି କୁହାଯାଇଛି। ଅକ୍ଷୟ କୁମାରଙ୍କ ବ୍ୟତୀତ ୟାମି ଗୌତମ ମଧ୍ୟ ଫିଲ୍ମରେ ନଜର ଆସିବେ।
