ସାଉଥ୍ ସୁପରଷ୍ଟାର ପ୍ରଭାସଙ୍କ ଫ୍ୟାନ୍ସମାନଙ୍କ ପାଇଁ ଖୁସି ଖବର। ଦୀର୍ଘ ଦିନର ଅପେକ୍ଷା ପରେ ଜୁନ୍ ୧୬ରେ ରିଲିଜ୍ ହେବାକୁ ଯାଉଛି ଫିଲ୍ମ “ଆଦିପୁରୁଷ”। ଏହାପୂର୍ବରୁ ଫିଲ୍ମର ପ୍ରମୋସନ ଆରମ୍ଭ ହୋଇଯାଇଛି। ରାମାୟଣର କାହାଣୀ ଉପରେ ଆଧାରିତ ଫିଲ୍ମ ‘ଆଦିପୁରୁଷ’ ର ରିଲିଜ୍ ପୂର୍ବରୁ ମେକର୍ସ ବଡ଼ ଘୋଷଣା କରିଛନ୍ତି।
ମେକର୍ସ ନିଷ୍ପତ୍ତି ନେଇଛନ୍ତି ଯେ, ଫିଲ୍ମର ସ୍କ୍ରିନିଂ ବେଳେ ସମସ୍ତ ଥିଏଟରରେ ଗୋଟିଏ ସିଟ୍ ଖାଲି ରହିବ। ଭଗବାନ ହନୁମାନଙ୍କୁ ଏହି ସିଟ୍ ଉତ୍ସର୍ଗୀକୃତ କରାଯିବ । ଭଗବାନ ହନୁମାନଙ୍କ ପ୍ରତି ଲୋକଙ୍କ ବିଶ୍ୱାସ ପାଳନ ଉଦ୍ଦେଶ୍ୟରେ ଏଭଳି କରାଯିବା ଲାଗି ନିଷ୍ପତ୍ତି ନିଆଯାଇଛି। ମେକର୍ସଙ୍କ କହିବାନୁଯାୟୀ, ଯେବେବି ରାମାୟଣ ପାଠ କରାଯାଏ, ସେହି ସମୟରେ ଭଗବାନ ହନୁମାନ ପ୍ରକଟ ହୋଇଥାନ୍ତି। ଏହା ଆମର ବିଶ୍ୱାସ। ଲୋକଙ୍କ ଏହି ବିଶ୍ୱାସକୁ ସମ୍ମାନ ଦେଇ ଫିଲ୍ମ‘ଆଦିପୁରୁଷ’ ର ରିଲିଜ୍ ବେଳେ ପ୍ରତ୍ୟେକ ହଲ୍ ରେ ଗୋଟିଏ ସିଟ୍ ରିଜର୍ଭ ରଖିବା ଲାଗି ନିଷ୍ପତ୍ତି ନିଆଯାଇଛି।
