<h3>ନାଲକୋ ଥାନା ଅନ୍ତର୍ଗତ ଟାଉନ୍ ସିପି ଛକ ୫୫ ଜାତୀୟ ରାଜପଥରେ ଦୁର୍ଘଟଣା | ନାଲକୋ ଥାନା ଠାରୁ ମାତ୍ର ୫୦ ମିଟର ଦୂରରେ ଥିବା ନାଲକୋ ଟାଉନସିପ ବସ୍ ଷ୍ଟାଣ୍ଡ ଠାରେ ଟ୍ରକ ଓ ଟ୍ରଲର ମଧ୍ୟରେ ସାମ୍ନାସାମ୍ନୀ ଧକ୍କା ହୋଇଛି । ଦୁର୍ଘଟଣାଟି ଏତେ ଭୟଙ୍କର ହୋଇଛି ଯେ ଡ୍ରାଇଭର ଜଣକ ଟ୍ରକ ଭିତରେ ଚାପି ହୋଇଯାଇଥିଲେ । ଅନୁଗୋଳରୁ ଆସୁଥିବା ଏକ ଟ୍ରକ ବଅଁରପାଳ ଆଡ଼କୁ ଯାଉଥିବା ବେଳେ ବିପରୀତ ଦିଗରୁ ଆସିଥିବା ଏକ ଟ୍ରଲରକୁ ଧକ୍କା ଦେଇଥିଲା । ଯାହା ଦ୍ଵାରା ଟ୍ରକର ସମ୍ମୁଖ ଭାଗ ଟି ସମ୍ପୂର୍ଣ ଭାଙ୍ଗି ଯିବା ସହ ସେଠାରେ ଚାଳକ ବିକ୍ରମ କୁମାର ଚୌୱାନ ଟ୍ରକ ମଧ୍ୟରେ ଫସି ରହିଥିଲେ । ଅଗ୍ନିଶମ ବାହିନୀ ଦ୍ବାରା କଟର୍ ସାହାଯ୍ୟରେ କାଟି ବାହାର କରାଯାଇଥିଲା । ଆହତ ଟ୍ରକ ଡ୍ରାଇଭରକୁ ତୁରନ୍ତ ଅନୁଗୋଳ ମୁଖ୍ୟ ଚିକିତ୍ସାଳୟ କୁ ପଠାଇଛି । ତେବେ ଘଟଣାସ୍ଥଳରେ ନାଲକୋ ପୋଲିସ ପହଞ୍ଚି ତୁରନ୍ତ ଟ୍ରାଫିକ୍ ନିୟନ୍ତ୍ରଣ କରିବାରୁ ଗାଡ଼ି ଚଳାଚଳ ସ୍ବାଭାବିକ ହୋଇଥିଲା ।</h3>
