ଅକୋଲା:,୧୦.୦୪.୨୦୨୩ (ଏନଏନଏସ ଓଡ଼ିଆ) : ମନ୍ଦିର ପରିସରରେ ଥିବା ଏକ ନିମ୍ବ ଗଛ ଉପୁଡି ପଡିବାରୁ ୭ଜଣଙ୍କର ମୃତ୍ୟୁ ଘଟିଛି । ମହାରାଷ୍ଟ୍ରର ଅକୋଲା ଜିଲ୍ଲାରେ ଗତକାଲି ଘଟିଛି ଏଭଳି ଏକ ଅଘଟଣ । ଏଠାରେ ଲୋକମାନେ ପ୍ରସାଦ ସେବନ କରୁଥିବା ବେଳେ ମନ୍ଦିର ପରିସରରେ ଥିବା ନିମ୍ବ ଗଛ ଉପୁଡ଼ି ପଡ଼ିବାରୁ ୭ଜଣଙ୍କର ମୃତ୍ୟୁବରଣ କରିବା ସହ ୫ଜଣ ମଧ୍ୟ ଗୁରୁତର ହୋଇଛନ୍ତି ।
ସୂଚନା ଅନୁସାରେ ଗତକାଲି ସନ୍ଧ୍ୟାରେ ମନ୍ଦିରରେ ପୂଜାର୍ଚ୍ଚନା ଚାଲିଥିବା ବେଳେ ପ୍ରବଳ ବର୍ଷା ପବନ ହେବାରୁ ଟିଣ ଛପର ସେଡ୍ ଉପରେ ଗଛଟି ଉପୁଡ଼ି ପଡ଼ିଥିଲା । ସେଡ୍ ତଳେ ପ୍ରାୟ ୩୫ରୁ ୪୦ ଶ୍ରଦ୍ଧାଳୁ ଫସି ରହିଥିବାରୁ ସେମାନଙ୍କ ମଧ୍ୟରୁ ୭ଜଣଙ୍କର ମୃତ୍ୟୁ ହୋଇଛି । ଅନ୍ୟ ୫ଜଣ ଗୁରୁତର ହୋଇଛନ୍ତି । ସେମାନଙ୍କୁ ଅକୋଲା ମେଡିକାଲ କଲେଜ ହସ୍ପିଟାଲରେ ଭର୍ତ୍ତି କରାଯାଇଛି ।
